Sarapshylar keńesi – dıplomatııanyń bir tarmaǵy

Qazaqstan – Reseı sarapshylary keńesin ótkizdik. Bul – dıplomatııanyń ekinshi bir tarmaǵy dep esepteledi. Osy oraıda jıynda Qazaqstannyń strategııalyq zertteýler ınstıtýty Reseı Ǵylym akademııasynyń álemdik ekonomıka jáne halyqaralyq qatynastar ınstıtýtynyń ókilderimen áriptestikti bekemdep, ony jańa dárejege kóterý jaǵyn talqyladyq.

Kún tártibine sáıkes, saýda-sattyq, ekonomıkalyq baılanys, logıstıka men energetıka, qorshaǵan ortany qorǵaý men klımattyń ózgerýine qarsy turý syndy máseleler qaraldy.

Eki el sarapshylarynyń ortaq dıalog alańyn qurǵanyna 20 jyldan asty. Baı­qap otyrsaq, qazirgi tańda memleketter ara­synda 143 birlesken bastama bar. Mine, osy jobalardyń júıeli júzege asyrylýy úshin qarym-qatynasqa qatysty kez kel­gen sheshim sarapshylardyń eleginen, talqy­laýynan ótse, sapaly bolatyny sózsiz.

Qazaqstan men Reseıdiń qarym-qatynasy el shekarasynda ornalasqan aýyl-aımaq­tar men qala turǵyndarynyń ómir súrýine áser etetini taǵy bar. Bul rette eki memleket­tiń baılanysy, ásirese shekaralyq aımaq­ta turatyn halyqtyń jaǵdaıyna oń áser etetindeı argýmentterdi qarastyryp, tal­daýy­myz qajet. Eń birinshi jaıt – ekonomı­kadaǵy shıkizattyq emes sektordy damytý.

Prezıdent Qasym-Jomart Toqaev  Joldaýlarynda atap ótkendeı, qazir biz ekonomıkadaǵy shıkizattyq emes sektordy damytýǵa kúsh salýymyz qajet. Sondyqtan shet memleketterden ınvestısııa tartý – basty maqsat. Bul rette memleketter arasyndaǵy múmkindikterdi, kedergilerdi saralaýda sarapshylardyń orny erek.

Alýa JOLDYBALINA,

Prezıdent janyndaǵy QSZI dırektorynyń orynbasary