Foto: Eldar QABA
Memleket basshysynyń Joldaýynda belgilengen jańa ekonomıkalyq baǵyt, álemdik saıası syn-tegeýrinder men geosaıası konıýnktýranyń belgisizdigi memleketimizdiń qarjylyq ornyqtylyǵyn, turaqtylyǵyn jáne uzaq merzimdi damý maqsattaryna qol jetkizýdi qamtamasyz etýge múmkindik beretin eldiń bıýdjet saıasatyndaǵy ózgeristerdi talap etti.
Jańa Bıýdjet kodeksinde memleket qarjysyn basqarýdyń negizgi quraldaryn belgileýge, eldiń áleýmettik-ekonomıkalyq damýyn qamtamasyz etý úshin olardyń nátıjeliligin arttyrýǵa arnalǵan tásilder kórinis tapty.
Bıýdjet kodeksiniń jobasynda mynalar kózdelgen:
- Memlekettik qarjyny shoǵyrlandyrylǵan esepke alý. Bıýdjet kodeksin retteý máni keńeıtilip,bıýdjettiń ózinen basqa memlekettiń bıýdjetten tys aktıvteri men mindettemeleriniń barlyq túrlerin qamtıdy;
- Artyq kezeńder men bıýrokratııalanǵan rásimderdi alyp tastaý esebinen merzimderin eki ese qysqarta otyryp, bıýdjettik prosesti ońtaılandyrý;
- Ońtaılandyrylǵan bıýdjettik prosesti eskere otyryp, memlekettik organdardyń nazaryn bıýdjettijosparlaý kezindegi saraptamalyq jumystarǵa aýdarý;
- Bıýdjet deńgeıleri arasyndaǵy kirister men shyǵystardyń teńgerimdiligi men rettiligin qamtamasyz etý, óńirlik standarttar júıesi arqyly respýblıkalyq bıýdjetten óńirlerge bólinetin jalpy sıpattaǵy transfertterdi josparlaý sapasyn arttyrý;
- Bıýdjettik proseske qatysýshylardyń eseptiligin, jaýapkershiligin jáne bıýdjettik prosestiń ashyqtyǵyn keńeıtý.
Bıýdjet kodeksi jańa redaksııada eldiń ornyqty damýyn qamtamasyz etýge baǵyttalǵan jaǵdaıla r jasaýǵa múmkindik berip, memlekettiń ekonomıkalyq saıasat pen áleýmettik-ekonomıkalyq damý mindetterin iske asyrýyna oń áser etedi.
Májilis qabyldaǵan Bıýdjet kodeksiniń jobasy qarap, kelisý úshin Senatqa jiberilgen.
