Bilim • 17 Jeltoqsan, 2024

Qańtar aıynda ótetin UBT-ǵa qatysý úshin ótinish berý bastalady

110 ret

kórsetildi

1 mın

oqý úshin

Qańtar aıynda ótetin UBT-ǵa qatysý úshin ótinish qabyldaý 20 jeltoqsanda bastalyp, 30 jeltoqsanǵa deıin jalǵasady. Bul týraly Ǵylym jáne joǵary bilim mınıstrligi habarlady, dep jazady Egemen.kz.

Dana MYRZAQADIR

Qańtar aıynda ótetin UBT-ǵa qatysý úshin ótinish berý bastalady

Foto: kazaknews.kz

Testileý 10 qańtar men 10 aqpan aralyǵynda ótedi.

UBT-ǵa Ulttyq testileý ortalyǵynyń app.testcenter.kz saıtynda nemese UTO qosymshasy arqyly tirkelýge bolady.

«Qańtardaǵy UBT-ǵa shartty túrde aqyly negizde kúndizgi oqý nysany boıynsha joǵary oqý oryndaryna qabyldanǵan, jazǵy UBT nátıjeleri boıynsha shekti ball jınamaǵandar, shyǵarmashylyq UBT-dan aqyly negizde basqa daıyndyq baǵyttaryna, pedagogıkalyq baǵytqa aqyly negizde aýysqysy keletinder, sondaı-aq mektep bitiretin túlekter joǵary oqý oryndaryna aqyly negizde túsý úshin qatysady», delingen mınıstrlik málimetinde.

Qatysýshylar testileý ótkiziletin oryndy, kúndi jáne ýaqytty ózderi tańdaıdy.

UBT-daǵy pánderdiń sany ózgerissiz qalady, ıaǵnı úsheýi mindetti jáne ekeýi synaq tapsyrýshynyń tańdaýyna beriledi.