Foto: Oqu-agartu ministrligi
«Memleket jyl saıyn mektepterdi modernızasııalaýǵa qarajat bólip keledi. Memleket basshysynyń tapsyrmasymen jyl sońyna deıin shaǵyn qalalarda, aýdan ortalyqtarynda jáne aýyldarda ornalasqan 1000 mektepti negizgi jeti baǵyt boıynsha modernızasııalaý júrgizilip jatyr. Onyń ishinde mektepterge aǵymdaǵy jáne kúrdeli jóndeý jumystary júrgizilip, pándik kabınetter satyp alynyp, jıhazdary, kitaphanalary jańartylyp, qaýipsizdik jaǵdaılary jaqsartylyp jatyr», dep atap ótti Infraqurylymdy damytý departamenti dırektorynyń orynbasary Roza Sembaeva.
Oqý-aǵartý mınıstrliginiń baspasóz qyzmeti málimdegendeı, bıyl qyrkúıekten bastap 1,7 mln mektep oqýshysy úshin tegin tamaqtandyrý uıymdastyrylǵan. Sapaly tamaqtandyrýdy uıymdastyrý maqsatynda mınıstrlik 7 normatıvti-quqyqtyq aktini qaıta qarady. Onyń ishinde as mázirin óńirde shyǵarylatyn otandyq ónimdi qosyp ázirleý jónindegi norma engizildi. Brakerajdy komıssııalar qurylyp, onyń quramyna ata-analar, qoǵam belsendileri, mektep ákimshiligi, medısınalyq qyzmetkerler kirdi. Brakerajdy komıssııalar úshin monıtorıngtik toptardyń qyzmet tártibi týraly normalar zań júzinde bekitildi.
Aıta ketsek, Densaýlyq saqtaý mınıstrligimen birlese otyryp, bilim berý uıymdarynda balalardy tamaqtandyrý normalary qaıta qaralyp, jańa tamaqtandyrý standarty ázirlendi. Ol 2025 jyly júzege asyrylady.
