Foto: Astana ákimdigi
19 jeltoqsanda kúndizgi aýysymǵa qala kósheleriniń qaryn kúreýge 2,6 myńnan astam jol jumysshy men 1200-ge jýyq arnaıy tehnıka shyqty.
19 jeltoqsanǵa qaraǵan túni qar polıgondaryna 639 aýyr júk reısimen 8,4 myń tekshe metrden astam qar shyǵaryldy.
Qys mezgiliniń basynan beri elordadan 92 188 reıspen 1,1 mln tekshe metrden astam qar shyǵaryldy.
Eń aldymen, erejege sáıkes, joldarda keptelis bolmas úshin qozǵalysy óte qarqyndy oryndar tazartylady. Sondaı-aq qarqyndylyǵy ortasha ýchaskeler – alańdar, vokzal mańy aýmaqtary, trotýarlar, áleýmettik nysandarǵa kirme joldar jáne t.b. tazartylady.
Ortalyq kóshelerdi, jolaýshylar kóligi marshrýttary júretin oryndardy, aıaldamalar men trotýarlarda tazalaý da basymdyqqa ıe.
Qalada birneshe jabdyqtalǵan qar polıgony bar. Olar samosval tehnıkasynyń nómirlik belgilerin oqý júıesimen jabdyqtalǵan, munda beınebaqylaý kameralary ornatylyp, jaryqtandyrý qosylǵan.
«Elorda turǵyndary men qonaqtarynan joldarda abaı bolýdy, qaýipsizdik erejelerin saqtaýdy, daýyldy eskertý bolǵan jaǵdaıda alys saparlarǵa shyqpaýdy suraımyz. Tótenshe jaǵdaı týyndaǵan kezde «112» nómirine habarlasyńyz», dep eskertti ákimdik ókilderi.
