Foto: elordainfo.kz
Qazaqstan tranzıttik hab retinde Eýropany Azııa, Reseıdi Ortalyq Azııa elderimen baılanystyryp, Kaspıı aımaǵy arqyly Qara jáne Baltyq teńizderine shyǵýyn qamtamasyz etedi.
Qazaqstan osy artyqshylyqtarǵa qaramastan 32 mıllıon tonna júk tasymaldasa, al uzyndyǵy nebári 193 shaqyrym bolatyn Sýes kanaly edáýir joǵary tabys ákeletinine toqtaldy.
Depýtattyń aıtýynsha, tranzıt arqyly ekonomıkany tejep otyrǵan sebepter:
- Infraqurylym, logıstıkanyń halyqaralyq standarttarǵa saı kelmeýi;
- Sıfrlandyrý úrdisteriniń baıaý júrgizilýi;
- Sybaılas jemqorlyq.
Sondaı-aq kórshi elder arasyndaǵy tranzıttik teńsizdik te salanyń kenjeleýine áser etip otyr.
Máselen, Qazaqstan О́zbekstan arqyly 25-30 ese az tasymaldaıdy. Al kórshi el bizdiń el arqyly kóbirek tasymaldaıdy.
«Osy oraıda zańdy saýal týyndaıdy. Biz nege tranzıttik trafıktegi parıtetke qol jetkize almaı otyrmyz? «Batys Eýropa – Batys Qytaı» dáliziniń qurylysyna qarjy halyqaralyq uıymdardan tartylǵanmen, ony qaıtarý mindettemesi bizdiń eldiń bıýdjetine túsedi. Osy teńsezdikterdi joıyp, otandyq tasymaldaýshylarǵa qolaıly jaǵdaı jasaýymyz kerek», dedi B.Najmedınov.
Depýtat aqyly joldardyń ahýalyn aıta kele tólem máselesine de nazar aýdardy.
«Aqyly joldarǵa saralanǵan tarıf engizý qajet. Bul tusta kólikterdiń ekologııalyq standarttary eskerilýi tıis. Osy arqyly tasymaldaýshylar parkin jańartyp, memleketke túsetin júktemeni azaıtýǵa bolady. Joldardaǵy ekologııalyq jaǵdaıdy da jaqstartýǵa bolady», dedi depýtat.
