Foto: Vedomstvo
Sý resýrstary jáne ırrıgasııa mınıstri Nurjan Nurjigitov qytaılyq Power China kompanııasynyń Qazaqstandaǵy ókilderimen kezdesý barysynda tıisti kelisimge qol jetkizdi.
Vedomstvonyń baspasóz qyzmeti málim etkendeı, arnaıy kýrstar toqsan saıyn ótedi. Sáýir aıynda Qytaıǵa 30 maman barady. Sodan keıin 25 adamnan jasaqtalatyn toptar ár úsh aı saıyn biliktilik arttyrý baǵdarlamasyna qatysady. Jýyrda taraptar oqý baǵdarlamalarynyń taqyrybyn jáne baǵyt-baǵdaryn aıqyndaıdy.
«Sheteldik kompanııalarmen jáne ózge memlekettermen kelissózder barysynda mindetti taqyryptyń biri – birlesip kadr daıarlaý jáne mamandardyń biliktiligin arttyrý. Bizdiń mamandar Qytaıda mol tájirıbe jınaıtynyna senimdimin. Bıyl mınıstrlik sý sharýashylyǵy qyzmetkerleriniń biliktiligin arttyrý jumysyn belsendi júrgizdi. Mysaly, jyl basynan beri 500-den astam adam mamandandyrylǵan ortalyqtarda kýrstan ótti. Bul bastapqy jospardan 12%-ǵa artyq», dedi N.Nurjigitov.
Sondaı-aq mınıstr qytaılyq kásipkerlermen Power China kompanııasynyń elimizde sý qoımalaryn salý jáne rekonstrýksııalaý jumystaryna qatysý máselesin talqylady. Sheteldik delegattar Qazaqstanda jańa sý sharýashylyǵy ınfraqurylymyna ınvestısııa salýǵa daıyn ekendikterin bildirdi.
