Is-sharaǵa Memlekettik keńesshi Erlan Qarın, Ǵylym jáne joǵary bilim mınıstri Saıasat Nurbek, Almaty qalasy ákimi Erbolat Dosaev, ál-Farabı atyndaǵy QazUÝ-dyń basqarma tóraǵasy–rektor Janseıit Túımebaev, sheteldik qonaqtar, memleket jáne qoǵam qaıratkerleri, bilim ordasynyń oqytýshylary men stýdentteri qatysty.
Saltanatty jıynda rektor Janseıit Túımebaev oqý ordasynyń ǵylymı-zertteý, ınnovasııalyq qyzmetiniń nátıjeleri men jetistigine toqtaldy.
«Búgin ýnıversıtet úshin ǵana emes, el damýyndaǵy tarıhı mańyzy zor. О́ıtkeni Qýatty Qazaqstandy ekonomıkalyq ósimge jetkizetin – sapaly bilim men irgeli ǵylym. Memleket basshysy Qasym-Jomart Toqaevtyń: «Qazir – ǵylym men bilimniń zamany. Otanymyzdy kórkeıtemiz desek, eń aldymen, osy eki salany damytýymyz kerek» - degen sózin ýnıversıtet ujymy ár salada júzege asyrýda. Stýdent jastarymyz mádenıetti, ásempaz, bilimpaz bolýǵa bar kúsh-jigerin salady. Oǵan olardyń qarym-qabileti de, damý áleýeti de jetedi. Al bizdiń ujym óz qyzmetinde Prezıdenttiń «Biz kóshke ilesetin emes, kóshti bastaıtyn elderdiń qatarynda bolýymyz kerek» - degen sózin árdaıym basty baǵdar etip keledi. Ary qaraı da ýnıversıtet ǵylymı áleýetin nyǵaıtyp, barlyq salaǵa ınnovasııalyq tásilder engizýdi joǵary deńgeıde jalǵastyra beredi», dep atap ótti rektor.
Mereıtoılyq sharada barysynda Memleket basshysy Q.Toqaevtyń quttyqtaý hatyn oqyp, lebizin jetkizgen Memlekettik keńesshi Erlan Qarın irgeli oqý ordasynyń oqytýshy-professorlar quramy men stýdentterdi aıtýly datamen quttyqtap, QazUÝ elimi aýmaǵynda alǵash bolyp ashylǵan oqý ordasynyń biri ekenin atap ótti.
«Qadirli qaýym, barshańyzdy ál-Farabı atyndaǵy qazaq ulttyq ýnıversıtetiniń qurylǵanyna 90 jyl tolýymen quttyqtaımyn. Bul tutas bilim jáne ǵylym salasynyń mereıli merekesi. QazUÝ elimizdiń tuńǵysh joǵary oqý oryndarynyń biri. Qasıetti qara shańyraq ǵasyrǵa jýyq ýaqyt ishinde irgeli bilim ordasyna aınaldy. Bilikti mamandar ustahanasy retinde óziniń biregeı dástúrin qalyptastyrdy. Qazirgi jastardy osy sabaqtastyqty saqtap, aǵa býynnyń jolyn laıyqty jalǵastyryp keledi. Bilim ordasy búgingi mereıtoıyna zor jetistiktermen jetip otyr. Bedeldi halyqaralyq reıtıngterde Ortalyq Azııa aımaǵyndaǵy joǵarǵy oqý oryndarynyń kóshin bastaýy sonyń aıqyn dáleli. О́skeleń urpaqty bilim, ǵylymǵa baýlyp, olardyń boıyna adal azamatqa tán qasıetterdi sińirý jolynda eńbek etip júrgen ýnıversıtet ujymyna shynaıy rızashylyǵymdy bildiremin. Sizder aldaǵy ýaqytta da osy mıssııany abyroımen atqarasyzdar dep senemin», delingen quttyqtaýda.
Ýnıversıtet 90 jyl boıy joǵary bilim men ǵylymnyń qarashańyraǵy bola otyryp, túrli salada bilikti kadrlardy daıyndaý jumystaryn júıeli júrgizip keledi. Búginde QazUÝ jetekshi ýnıversıtet retinde elimizdiń ekonomıkalyq damýyna tabysty úles qosyp jatyr.
Saltanatty jıynda Erlan Qarın ýnıversıtettiń qyzmetkerlerin memlekettik nagradalarmen marapattap, jas ǵalymdarǵa páter kiltin tabys etti.
Ýnıversıtettiń oqytýshy-professorlar quramy atynan sóz alǵan shetel fılologııasy jáne aýdarma isi kafedrasynyń professory Eleonora Súleımenova: «Búginde QazUÝ halyqaralyq reıtıngterde óziniń pozısııasyn joǵarlatyp, álemniń kóshbasshy JOO-larymen besekege qabiletti. Biz qaıta órleý dáýirin bastan ótkerip, tez jáne sapaly túrde jańaryp jatyrmyz. Bul tek qoldanystaǵy ınfraqurylymdy nyǵaıtýǵa jáne jańartýǵa qatysty emes. Onyń ishinde ǵylymı jetistikterdi, jańa joǵary tehnologııalyq ónimderdi, bilim berý, akademııalyq utqyrlyq jáne qosdıplom baǵdarlamasyn engizý de jatady. QazUÝ – álemdik deńgeıdegi zertteý ýnıversıteti retinde strategııalyq mindetterdi senimdi túrde iske asyra otyryp, Qazaqstannyń áleýmettik-ekonomıkalyq damýyna laıyqty túrle úles qosady», dep atap ótti.
Mereıtoılyq shara barysynda ýnıversıtet jetistikteri men halyqaralyq baılanysynyń damýy jáne ǵylymı-ınnovasııalyq jobalaryna arnalǵan kórme uıymdastyrylyp, munaı-hımııa, IT, medısına, jasandy ıntellekt, bıologııa, fızıka, ǵaryshtyq tehnologııa, geografııa salalary boıynsha júrgizilip jatqan ınnovasııalyq jobalar nátıjesi kórsetildi.
Búginde QazUÝ bazasynda 7 ǵylymı-zertteý ınstıtýty, 140 ǵylymı zerthana, 34 ǵylymı ortalyq pen 2 ujymdyq paıdalaný zerthanasy tabysty jumys isteıdi. Ýnıversıtette jalpy quny 36 mlrd teńgeni quraıtyn 400-den astam joba júzege asyrylýda.
Saltanatty shara aıasynda «Farabi – 90» tarıhı-derekti fılm kórsetilip, ýnıversıtetiniń mereıtoıyna arnaıy daıyndalǵan konserttik baǵdarlamaǵa ulasty.
