Foto: Ashyq derekkóz
Jańa týǵan náresteler sany boıynsha Qarasaı, Ile, Jambyl, Eńbekshiqazaq jáne Talǵar aýdandary kósh bastap tur.
Oblystyq densaýlyq saqtaý basqarmasy basshysynyń orynbasary Leıla Serikbaevanyń aıtýynsha, oblystaǵy perzenthanalar úsh deńgeıli medısınalyq kómek kórsetedi.
«Bıyl Almaty oblysynda 12 139 ul, 11 713 qyz bala dúnıege kelgen. Ana men balaǵa kórsetiletin medısınalyq qyzmettiń sapasyn arttyrý úshin dárigerler únemi biliktiligin arttyryp otyrady. Sondaı-aq Eńbekshiqazaq aýdandyq kópsalaly aýrýhanasynda 26 tósektik, al Qarasaı aýdandyq kópsalaly aýrýhanasynda 30 tósektik shala týǵan nárestelerdi kútý bólimderi ashyldy. Sondaı-aq Almaty kópsalaly klınıkalyq aýrýhanasynda bir kúndik emhana jumysyn bastady. Munda joǵary bilikti mamandar jumys isteıdi», dedi Leıla Serikbaeva.
Esterińizge sala keteıik, 2023 jyly Qazaqstanda 390 myńnan astam sábı dúnıege kelgen.
