Sýretti túsirgen – Erlan OMAR, «EQ»
Qansha kisi uıqyda, qansha adam oıaý, qanshasy qam-qareket ústinde tyrbanyp jatady. Jol ústindegi 60 myń jolaýshyny aıtpaǵanda, Astana – Almaty, Astana – Shymkent, Almaty – Shymkent, Astana – Semeı, Almaty – Semeı baǵytynda yzǵytqan poıyzdardy tizgindep, jol boıynda qaýipsizdigin kúzetip, ótkizip, jiberip, shyǵaryp salyp, qarsy alatyndardyń aıaýly eńbegimen ólshenedi ómir. Biriniń qaýipsizdigi úshin kelesi biri kirpik ilmeıtin ýaqyt tynysynyń ózi júrektermen bir soqqandaı áser qaldyrady. Osynyń bári ortaq Otanymyzdyń jarqyn bolashaǵy úshin emes pe?
«Jolaýshylar tasymalynyń» málim etýinshe, 31 jeltoqsannan 1 qańtarǵa qaraǵan Jańa jyl túni Qazaqstan boıynsha vokzaldarda 47 kassır kezekshilik etse, poıyzdarda 73 poıyz bastyǵy men jolaýshylar vagondarynda 1 774 jolserik, jalpy sany 115 poıyz brıgadasy qyzmet kórsetipti. Osynyń bári 60 myń jolaýshy úshin, múmkin arasynda siz ben bizdiń jaqynymyz da bar shyǵar.
