Foto: QR TJM
«Saǵat 09:00-de izdeý toby qaıtys bolǵan adamnyń denesin taýyp, sýdan alyp shyqty. Ol odan ári tergeý áreketterin júrgizý úshin polısııa organdaryna berildi. Qazirgi ýaqytta qutqarý operasııasyna: 55 qutqarýshy, 5 júzý quraly, 2 ushqyshsyz ushý apparaty, sý asty izdeýge arnalǵan eholot, 10 tehnıka jumyldyrylǵan», delingen habarlamada.
Aıta keteıik, operasııany kúsheıtý úshin qosymsha Qasym Qaısenov atyndaǵy 68303 áskerı bólimniń qyzmetshileri tartylǵan. Sondaı-aq Shyǵys Qazaqstan oblysynan da qutqarý bólimsheleri qosylady dep kútiledi.
Esterińizge sala keteıik, búgin tańǵy saǵat 06:00-de Ertis ózeniniń janyndaǵy Beıbitshilik aralynda jeńil avtokólik beton qorshaýǵa soǵylyp, ózenge qulap ketken. Apat kezinde kólikte 4 adam bolǵan. Jolaýshylardyń biri kólikten ózdiginen shyǵyp, jaǵaǵa júzip shyqqan.
