Foto: Ashyq derekkóz
«2025 jyldyń alǵashqy bes kúninde 199 adamdy esepke alyp, evakýasııaladyq, onyń 27-si bala. Sondaı-aq qar qursaýynan 22 tehnıka, onyń ishinde bir avtobýs shyǵaryldy», dedi Magomed Ahrıev.
Onyń aıtýynsha, 2024-2025 jyldardaǵy qysqy kezeńde tótenshe jaǵdaılarǵa jedel den qoıý maqsatynda mınıstrdiń buıryǵymen 37 myńnan astam jeke quram men 13 myńnan astam tehnıka toptamasy bekitilgen.
Sondaı-aq ortalyq jáne jergilikti atqarýshy organdar úshin arnaıy mindetter aıqyndalǵan.
«Respýblıkalyq deńgeıde basqarý ortalyǵynyń bazasynda osy tótenshe jaǵdaılarǵa baılanysty is-qımyldardy úılestiretin respýblıkalyq jedel shtab jumys isteıdi. Mundaı shtabtar oblystyq deńgeıde de bar. Sondaı-aq respýblıka aýmaǵynda bir jarym myńnan astam evakýasııalaý jáne jylytý pýnkti quryldy», dedi M.Ahrıev.
Tótenshe jaǵdaılar mınıstrligi el azamattaryna basqa eldi mekenderge saparlaryn aýa raıy jaǵdaıyn eskere otyryp josparlaýdy, sondaı-aq tótenshe jaǵdaılar týraly eskertýlerge nazar aýdarýdy eskertedi.
