Foto: oblystyq PD
Bastapqyda polısııa oqıǵa sebebi jarys bolýy múmkin degen boljam aıtqan. Alaıda kólikten shyǵyp úlgerip, jalǵyz aman qalǵan adamnan jaýap alynǵannan keıin, qaıǵyly jaǵdaıǵa tejeýish pen gaz pedaldaryn shatastyrý sebep bolǵany anyqtaldy.
«Polısııa málimetinshe, oqıǵaǵa kólik quralyn basqarý erejesiniń buzylýy sebep bolǵan. Qaıǵyly jaǵdaı tejeýish pen gaz pedaldaryn shatastyrýdan týyndaǵan», dep habarlady Abaı oblysynyń Polısııa departamenti.
Aıta keteıik, kóliktiń ishinde tórt adam bolǵan. Bir jigit pen qyz kólikten shyǵyp úlgergen, alaıda qyzdy ózen aǵysy alyp ketken. Keıinirek onyń denesi oqıǵa ornynan shamamen 11 shaqyrym jerde, birinshi yqsham aýdan mańynan tabylǵan. Júrgizýshi men taǵy bir jolaýshy áli tabylǵan joq, izdestirý jumystary jalǵasyp jatyr.
