Turǵyndarǵa páter kiltterin qala ákimi Abaı Ybyraev tabys etti. «Bul joly alty kópbalaly otbasyǵa úsh bólmeli páterdiń kiltin tabystaǵaly turmyz. Biz birinshi shaǵyn aýdandaǵy ákimshilik ǵımaratty 21 páterli úıge aınaldyrdyq. Oǵan turǵyn úı kezeginde turǵan bıýdjet qyzmetkerleri qonystandy. Sondaı-aq medısına, sport qyzmetkerleri men pedagogterge berildi. Endigi eki bólmeli úsh páter turǵyn úı kezegine qaraı, ata-anasyz balalarǵa beriletin bolady. Qazir «Qazaqstan» turǵyn úı kompanııasymen birge bes qabatty alpys páterdiń smetalyq qujatyn ázirlep jatyrmyz», dedi ákim.
Baspana qýanyshyna ıe bolǵandardyń ishinde bes balanyń anasy Valerııa Frızen de bar. Bir jarym jyl úı kezeginde turǵan kópbalaly ana qala basshylyǵyna, qurylysshylarǵa júrekjardy alǵysyn bildirdi. «Joldasym jumys isteıdi. О́zim bala tárbıesimen aınalysamyn. Altynshy sábıimizdi kútip otyrmyz. Buǵan deıin páterden páterge kóship, jaldap júrgen edik. Qýanyshymyzda shek joq. Tuńǵyshymyz – toǵyz jasta, kenje balamyz bir jarym jasta», deıdi Valerııa Frızen.
Lısakov turǵyny Aqtoty Maǵzumova da 85 sharshy metrlik úsh bólmeli páterdiń kiltin aldy. «Joldasym ekeýimiz tórt bala súıip otyrmyz. Kezekke turǵanymyzǵa bir jylǵa jetken joq. О́te qýanyshtymyz. Buǵan deıin enemniń qolynda turyp keldik», deıdi kópbalaly ana.
Búginde Lısakov qalasynda 570 turǵyn páter kezeginde tur.
Qostanaı oblysy
