Bas prokýratýranyń Quqyqtyq statıstıka jáne arnaıy esepke alý jónindegi komıtetiniń málimetinshe, jalpy qylmystyń 5,3 paıyzǵa (140 272-den 132 778-ge) tómendeýiniń oń dınamıkasy baıqalady.
О́sim kelesi oblystarda baıqalady: Mańǵystaýda – 12,2 paıyzǵa (3097 – den 3474 – ke deıin), Atyraýda – 8,5 paıyzǵa (4283 – ten 4647-ge deıin), Pavlodar oblysynda – 5,6 paıyzǵa (5039-dan 5322-ge deıin), Qyzylorda oblysynda – 4,6 paıyzǵa (2871-den 3003-ke deıin), Ulytaýda – 2,8 paıyzǵa (1278-den 5322-ge deıin 1314), Almaty oblysynda – 1,6 paıyzǵa (10 223 – ten 10 385-ke deıin) jáne Aqmola oblysynda – 0,7 paıyzǵa (5084-ten 5120-ǵa deıin).
«Qylmystyń eń kóp sany Almaty qalasynda – 24 965 (18,8 paıyz) jáne Astanada – 17 339 (13,1 paıyz), Almaty oblysynda – 10 385 (7,8 paıyz) jáne Qaraǵandy oblysynda – 7 562 (5,7 paıyz) jasalǵan», delingen habarlamada.
Qylmystyq quqyq buzýshylyqtardyń jalpy sanynyń 34 paıyzyn alaıaqtyq (45 156), 23 paıyzyn urlyq (30 593), 6,3 paıyzyn esirtki qylmysy (8 363), 1,2 paıyzyn tonaý (1 551), 1,2 paıyzyn buzaqylyq (1615), 0,8 paıyzyn – mal urlyǵy (1051), 0,4 paıyzyn – kisi óltirý (566), 0,3 paıyzyn – zorlyq-zombylyq (421), ózge de qylmystar – 32,7 paıyzyn (43 462) quraıdy.
Kishigirim qylmystar – 7,6 paıyzǵa (21 826-dan 20 178-ge), aýyrlyǵy ortasha qylmystar – 16,8 paıyzǵa (58 874-ten 48 992-ge) jáne aýyr qylmystar – 2,2 paıyzǵa (37 548-den 36 736-ǵa) azaıǵan.
