Ermek Saǵymbaev Qasym-Jomart Toqaevqa vedomstvonyń aldaǵy kezeńge arnalǵan jospary, syn-qaterlerdi eskere otyryp ulttyq qaýipsizdikti qamtamasyz etý boıynsha qabyldanyp jatqan sheshimderi týraly baıandady.
Ulttyq qaýipsizdik organdaryn perspektıvti damytý baǵytynda júzege asyrylyp jatqan sharalar, jedel qyzmettik is-qımyldy uıymdastyrý jáne onyń qurylymyn jetildirý jóninde málimet berdi.
Arnaıy qyzmetti kadrlyq jáne tehnıkalyq turǵydan nyǵaıtý, normatıvtik-quqyqtyq bazany jańǵyrtý, sondaı-aq Ulttyq qaýipsizdik komıtetindegi úderisterdi ońtaılandyrý men sıfrlandyrý jumystary jaıynda aıtty.
Sondaı-aq halyqaralyq terrorızmge jáne dinı ekstremızmge, uıymdasqan qylmysqa, esirtki bıznesine qarsy turý, kıberqaýipsizdikti qamtamasyz etý, memlekettik shekarany qorǵaý jáne kúzetý salalaryndaǵy jaǵdaı týraly jetkizdi.
Prezıdent ulttyq qaýipsizdik organdary qyzmetiniń negizgi baǵyttary boıynsha birqatar tapsyrma berdi.
