«Taza Qazaqstan» • 21 Qańtar, 2025

«Taza Qazaqstan» ekoaksııasyna 6,5 mıllıondaı adam qatysqan

90 ret

kórsetildi

1 mın

oqý úshin

Memleket basshysy bastamashylyq etken «Taza Qazaqstan» aksııasy 6,5 mln-ǵa jýyq adamnyń qyzyǵýshylyǵyn týdyrǵan, dep habarlaıdy Egemen.kz.

Shyńǵys MUQAEV

«Taza Qazaqstan» ekoaksııasyna 6,5 mıllıondaı adam qatysqan

Foto: Úkimettiń baspasóz qyzmeti

Atalǵan maǵlumat – ekologııalyq aksııany iske asyrý barysy qaralǵan Úkimet otyrysynda aıtyldy.

Úkimettiń baspasóz qyzmetiniń málim etýinshe aksııany ótkizý kezeńinde aýqymdy jobaǵa qatysýshylar 1,1 mln tonnadan astam qoqys jınaǵan, shamamen 1,6 mln jasyl jelek otyrǵyzylǵan. Sonymen qatar óńirlerde tarıhı-mádenı eskertkishter retke keltirilip, ardagerlerge aýlasyn abattandyrý jáne jınaý boıynsha kómek kórsetilip, ózender men sý aıdyndary qoqystan tazartylǵan.

Azamattardy eldi mekender men ekologııa máselelerin sheshýge tartý maqsatynda yńǵaıly @TazaQazBot telegramm-chat-boty arqyly ótinim berý qyzmeti iske qosylǵan. Oǵan búginde 10 myńnan astam ótinim túsip, 9,7 myńǵa jýyq ótinish oryndalǵan. Kóbinese azamattardan aýmaqtardy jınaý, kóshelerdi abattandyrý, qoqystardy shyǵarý, joldardy jóndeý boıynsha ótinishter kelip túsken.