Jol-kólik oqıǵasy «Bastaý-Aqtaý-Temirtaý» respýblıkalyq tas jolynyń boıynda Buqar jyraý aýdanyndaǵy Petrovka aýylynyń mańynda bolǵan. №84 avtobýs Botaqara-Qaraǵandy baǵytymen júrgen.
«Oqıǵa kezinde kólikte 17 jolaýshy bolǵan. Baqytymyzǵa oraı, olardyń eshqaısysy zardap shekken joq. Polısııa qyzmetkerleri jolaýshylarǵa qajetti barlyq kómek kórsetip jatyr», dep habarlady Qaraǵandy oblysy PD baspasóz qyzmeti.
Aıta keteıik, Qaraǵandy oblysynda daýyldy eskertý jarııalanǵan edi. Oblystyń basym bóliginde qarly boran saqtalady. Oblystyq Tótenshe jaǵdaılar departamenti turǵyndardan eldi mekenderden tys jerlerde júrmeýdi surady. Qazirgi ýaqytta oblysta alty jol ýchaskesi jabyq tur.
