Qandas qalamgerler qýanyshy

Jıynda «Otandastar qory» KeAQ pre­zıdenti Danııar Qadyrov: «Uly dala» kitaptar serııasy jobasy 2023 jyly bastaý alǵan. Sodan beri shetelde tura­tyn qazaq qalamgerleriniń 20-dan astam kitaby jaryq kórdi. Bul týyn­dylar arnaıy qurylǵan komıssııanyń saraptaýy nátı­jesinde tańdaldy. Komıs­sııa qaraýyna ótken jyly 100-den astam ártúrli janrda jazylǵan shyǵarmalar kelip túsip, osy­lardan toǵyzy tańdalyp alyn­dy. Sarapshylar kitaptyń tár­bıe­lik jáne ulttyq biregeılikti saqtaý­da­ǵy mańyzyna mán be­redi. Sondaı-aq av­torlardyń jazý máneri men til baılyǵy da eskeriledi. Joba aıasynda ja­ryq kór­gen kitaptar elimizdiń kitapha­nalary men mektepterine tegin taratylady», dedi.

Senat depýtaty Ǵalıasqar Sarybaev ta shyǵarmalary jaryq kórgen avtorlardy quttyqtady. «Jahandaný kezinde kez kelgen memleket óziniń tilin, dinin, dilin taza ustap, biregeıligin saqtap qalýǵa tyrysady. Sol sebepti my­na jaryq kórgen kitaptar jerge tús­ken dán sekildi. Bul týyndylar bireýdiń júregine jetse, bolmysyna dán bolyp egilse, erteń máýeli báıterek bolyp ósedi. Sondaı-aq bul kitaptar sırek kezdesetin sózder qazynasy ispetti», dedi.

Joba aıasynda mońǵolııalyq qalam­ger­ler Rysbek Zurǵan­baı­ulynyń «Qob­danyń qońyr jeli», Zúlkápil Máýli­tulynyń «Úrker aýyp barady» atty jyr jınaqtary, jazýshy Er­baqyt Núsip­ulynyń «Kim­di kiná­larsyń...» atty hıkaıa­ty, ­son­­­daı-aq ómirden ótken qalam­­ger­­­­ler Eleýsiz Muqamádıuly­nyń «О́rikti ­kól» povesi ­men Baman Qur­man­hanulynyń ­«Aı­ta­ǵaly salt atty» týyndysy, tájik­­standyq Abdý­­sat­tar Nýr­­alıev­­­tiń «Tájik­stan­­­da­ǵy­ qa­zaqtar» atty zert­teý eń­begi, ózbek­­­standyq aǵaıyndar: Ja­ras­­­qan Myr­zamuratov («Aqı­qat­­­tyń dámi ashy») pen Lala Ju­ma­­no­va­nyń («Qarasý jyrlary») ­shy­ǵar­malary, RF Altaı Res­­pýb­lı­ka­­synyń turǵyny Pıo­ner Muh­ta­sy­­rov­­tyń «Urpa­ǵyń úzilme­sin» atty ǵumyr-­­baıan­dyq essesi baspadan shyǵypty.

Jıyn sońynda shyǵarma ­av­tor­­lary men týystary «Otan­dastar qoryna» iltıpat tanytyp, alǵysyn aıtty. Atap aıt­qanda, kitaby jaryq kórgen avtor Eleý­siz Muqamádı­ulynyń qarynda­sy, ózi de tanymal sóz zergeri Egeýhan Muqa­mádı­qyzy: «Otandastar qory» atynan shette júrgen qalamgerlerdiń kitaptary jaryq kórgenine óte rızamyn. Menen eki jas úlken Eleýsiz aǵam eńbekqor, elge­zek edi. Búgin sol kisi qaıta tirilip kelgendeı qýanyp turmyn. El irgesi ty­nysh bolsyn, halqymyz aman bolsyn!» dese, «Aqıqattyń dámi ashy» kitaby­nyń avtory Jarasqan Myrzamu­ra­tov: «Osy­ǵan deıin kitaptarym О́zbekstanda jaryq kórdi. Atajurtymyzben árda­­ıym tyǵyz baılanystamyz. Joba­­ny uıymdastyrý­shy «Otandas­tar qory» men Jazýshy­lar odaǵy­na aıtar alǵysym sheksiz»,dedi.