Maestro Demetrıo Kolachı – álemniń jetekshi sahnalarynda óner kórsetken, oqytýshylyq qyzmetpen aınalysqan tanymal oryndaýshy-pedagog. Onyń sheberlik sabaqtary álemniń túkpir-túkpirinen kelgen mýzykalyq oqý oryndarynyń stýdentteri arasynda zor suranysqa ıe, óıtkeni professor tek tehnıkalyq daǵdylardy ǵana emes, mýzykalyq ınterpretasııany tereń túsinýdi de úıretedi.
Sheberlik sabaǵy akademııalyq vokaldyń qyr-syryn jáne áıgili operalardaǵy basty partııalardy oryndaýdyń erekshelikterin talqylaýǵa arnaldy. Atalǵan is-shara konservatorııanyń vokaldyq óner kafedrasynyń stýdentteri men magıstranttaryna jáne oqytýshylaryna vokaldyq tehnıka men oryndaýshylyq sheberlikterin shyńdaýǵa arnalǵan.
Qatysýshylar daýyspen jumys isteý, tynys alýdy durys qoıý jáne án aıtý tehnıkasynyń erekshelikterin álemdik deńgeıdegi mamanmen birge jumys jasaý arqyly mashyqtandy.
Aıta keteıik, maestro Qurmanǵazy atyndaǵy Qazaq ulttyq konservatorııasymen tabysty yntymaqtastyq jasap keledi. Eske salsaq, byltyr vokaldyq óner kafedrasynyń stýdentterimen eki kúndik ıntensıvti sabaqtar ótkizgen edi.
