Úkimettiń 2017 jylǵy 31 qazandaǵy qaýlysyna ózgerister engizilip, Qazaqstandaǵy merekelik kúnder tizimi «3 qyrkúıek – Qazaqy ıt tuqymdary kúni» degen tarmaqpen tolyqty.
Mınıstrliktiń málimdeýinshe, bul merekeni engizý – qazaq halqynyń mádenı murasyn, tarıhyn jáne dástúrin dáripteýge baǵyttalǵan mańyzdy qadam. Sondaı-aq, mereke etnografııa men ulttyq mádenıetke qyzyǵatyn týrısterdiń nazaryn aýdarýǵa yqpal etedi.
«Tazy men tóbettiń mańyzyn arttyrý, kınologııa salasyn damytý jáne onymen baılanysty salalardyń órkendeýi jańa jumys oryndaryn ashýǵa, salyqtyq túsimderdi arttyrýǵa jáne ekonomıkalyq ósimge oń áserin tıgizedi», dep atap ótti mınıstrlik.
Qazaqy ıt tuqymdary kúni aıasynda dárister, semınarlar, kórmeler men jarystar uıymdastyrylady. Bul sharalar ıt asyraýshylar men kınologııalyq uıymdarǵa tájirıbe almasýǵa, qazaqy ıt tuqymdarynyń erekshelikterin zertteýge jáne olardy saqtaý máselesin kóterýge múmkindik beredi.
