Osy maqsatta zań ǵylymdarynyń doktory, professor, UǴA akademıgi Marat Qoǵamov Narhoz ýnıversıteti Quqyq jáne memlekettik basqarý mektebinde kezdesý ótkizip, jastar arasynda aqparattyq jumys barysynda eldegi zań men tártiptiń mańyzyn atap ótti.
Dáris barysynda akademık M.Qoǵamov qylmystyq is júrgizý barysynda kezdesetin qıyndyqtar, quqyqtyq júıedegi reformalardyń oryndalýy men baqylaý, úılestirý júıesi týraly baıandady. Quqyq salasynyń maıtalmany retinde Qazaqstandaǵy zań salasyndaǵy ózgeristerdi qarapaıym, túsinikti tilde sıpattap, túsindirgen sarapshy stýdentterdiń suraqtaryna jaýap berdi. Elimizdiń quqyq salasyndaǵy tájirıbelerin Amerıka, Italııa qylmystyq ádilet júıesimen salystyra atap ótti.
«Qylmystyq sot óndirisiniń máseleleri men olardy sheshý joldary týraly kásibı mamannyń taldaýy stýdentter úshin qyzyqty boldy. Qazaqstandaǵy quqyq qorǵaý júıesin naqty mysaldarmen túsindirip bergen sarapshynyń leksııasy ary qaraı da jalǵasyn tabatyn bolady. Stýdentterdiń teorııalyq bilimin óz isiniń kásipqoıy, bilikti mamandardyń osyndaı dáristeri arqyly tolyqtyryp otyrý mańyzdy» deıdi professor Gúlmıra Sultanbaeva.
Akademık M. Qoǵamov sonymen qatar qyzmette tabysty bolýdyń qyr-syrymen bólisti. Onyń aıtýynsha, jumys qanshalyqty sapaly bolǵan saıyn, ónimdiligi de arta túsedi. Sondyqtan kez kelgen isti sapaly etýde jan jaqty tájirıbelerdi qarastyrý, ozyq ádisterdi meńgerý basty maqsat sanalady.
Dáristen keıin pikirlerimen bólisken 3-kýrs stýdenti Ellada Samatova, Indıra Hasanova, Altynaı Fevraleva, taǵy da basqa stýdentter qylmystyq is júrgizýdiń ózekti máseleleri men quqyqtyq júıedegi reformalar týraly aqparatqa qanyq bolyp, sot óndirisiniń máseleleri men sheshý joldary týraly kásibı mamannan dáris alýdyń barynsha paıdaly bolǵanyn atap ótti.
