Alty tomdyq kitap avtordyń 1993 jyldan bastap úzdiksiz jazyp kele jatqan kúndelikterine negizdelgen. Onda elimizde bolyp jatqan asa mańyzdy tarıhı oqıǵalarǵa mán bere kelip, qoǵamdyq ómir týraly kózqarasyn kesteleıdi, ár kezeń men urpaqtyń minezi men kóńil kúıi, ótken, qazirgi jáne bolashaq týraly tolǵanady. Iаǵnı jańa jınaq avtordyń qaǵaz betine túsken jan syry desek bolady. Myrzataı Joldasbekovtiń ózi jazǵandaı: «Kúndelik – syrlasyń. Onymen syrlasýǵa, sóılesýge bolady. Ol – seniń syńaryń, jan dosyń. Men kúndelik jazbaǵan kúni birdeńe joǵaltqandaı bolamyn».
Avtordyń aıtýynsha, kúndelik nebir oılarǵa da jeteleıdi. Qolyńa qalam alyp, kúndeliktiń betin ashsań, ýaqyt, zaman, adam týraly tolǵanasyń. Keıde onyń tuńǵıyq tereńine túsesiń. Jastardy jerden alyp, jerge salyp jatatyndarǵa tańym bar. Búgin sen túzelseń, erteń el túzeledi, dep jazady avtor.
Kúndelikte kestelengen el ómirindegi árbir oqıǵa tarıhı shejire ispetti. Tusaýkeser barysynda aıtylǵandaı, táýelsiz eldiń tasqa basylmaǵan paraqtary ulttyq erekshelikti saqtaýda asa mańyzdy ról atqarady.
Alqaly jıynda memleket jáne qoǵam qaıratkerleri, zııaly qaýym ókilderi sóz alyp, kóptomdyqtyń mán-mańyzy jónindegi oılaryn ortaǵa saldy.
