Foto: Ashyq derekkóz
Túzetýlerdiń jeke blogy azamattyq qorǵanys organdary qyzmetkerleriniń áleýmettik jaǵdaıyn jaqsartýǵa arnalǵan.
«Depýtattar azamattyq qorǵaý organdarynyń qyzmetkerlerine turǵyn úı tólemderin berýge baǵyttalǵan túzetýler engizýge bastamashy boldy. Sondaı-aq qyzmetkerlerge ózderi turyp jatqan turǵyn úıdi jekeshelendirý quqyǵyn berýge baǵyttalǵan erejeler bar. Bul túzetýler qyzmetkerlerimizdiń áleýmettik qamsyzdandyrýyn odan ári kúsheıtedi dep oılaımyz. 90 sharshy metrge deıingi turǵyn úı úshin jaldaý aqysyn tóleý usynylyp, qyzmetkerlerdiń otbasy músheleri de tólem alady. Tótenshe jaǵdaılar mınıstrligi órt qaýipsizdigin baqylaýdy qalpyna keltirip jatyr. Mysaly, adamdar kóp shoǵyrlanatyn obektiler men bıiktigi 28 metrden asatyn ǵımarattardy qabyldaý aldynda órt qaýipsizdigi talaptaryn saqtaý týraly qorytyndy berý. «Biregeı» dep atalatyn nysandardy salý kezinde basqarmamen tehnıkalyq sharttardy kelisý josparlanyp otyr», dedi QR TJM Kadr jáne tárbıe jumysy departamentiniń basshy Dáýren Sabyraev.
QR Tótenshe jaǵdaılar mınıstrligi О́rtke qarsy qyzmet komıteti tóraǵasynyń orynbasary Qanat Dospaevtyń aıtýynsha, Astana qalasyndaǵy «Han-Shatyr» saýda ortalyǵy biregeı nysan, ol úshin qurylys normalary joq, sondyqtan mundaı nysandardy salý úshin arnaıy tehnıkalyq sharttar ázirlengen.
«Al tehnıkalyq sharttardy ázirleý kezinde biz eshqandaı maquldaý júrgizgen joqpyz. Endi biz órt qaýipsizdigine qatysty osy tehnıkalyq sharttarda talaptarymyzdy qamtamasyz etetin bolamyz», dedi ol.
Alǵash ret aýdany 2 myń sharshy metrden asatyn bólshek saýda obektileri men adamdar kóp keletin obektilerdi saqtandyrý standarty engiziledi. Bul jaǵdaıda ǵımarattardyń ıeleri órtten zardap shekkenderge keltirilgen shyǵyndy óteýi tıis.
«Byltyr Almatyda jataqhanada órt shyǵyp, qaıǵyly oqıǵa boldy, adamdar qaza tapty. Al bul shyǵyndy bizden basqa eshkim ótegen joq. Endi, eger alańy 2 myń sharshy metrden asatyn bolsa, onda saýda ortalyǵy nemese adam sany kóp basqa úı-jaılar úshinshi tulǵalardyń ómirin saqtandyrýǵa mindetti. Qaıtys bolǵan jaǵdaıda 5 myńnan astam AEK, birinshi toptaǵy múgedektik alǵan jaǵdaıda – 3 myń AEK, ekinshi – 1,5 myń AEK jáne bala múgedek dep tanylǵan jaǵdaıda – 3 myń AEK shamasynda tólenedi. Tizilim qurylyp, aýmaqtyq organdar olardy saqtandyrý úshin tekseredi», dedi QR Parlamenti Májilisiniń depýtaty Aıan Zeınýllın.
О́rt avtomatıkasy júıesine qyzmet kórsetetin uıymdarǵa ruqsat berý memlekettik organnyń baqylaýyna ótýi tıis. Azamattyq qorǵaý qyzmeti qazirgi ýaqytta muny kóbine quzyretsiz uıymdar jasaıtynyn atap ótti.
Qazaqstannyń azamattyq qorǵaý odaǵynyń tóraǵasy Rústem Ysqaqov kásiporyn qyzmetkerleri úshin órt qaýipsizdigi sharalaryn oqytatyn oqý ortalyqtarynyń is-áreketterin retteý jónindegi norma engiziletinin atap ótti. О́zgerister tótenshe jaǵdaılarǵa jedel áreket etýge daıyn ıkemdi qurylymdy jasaıdy dep kútiledi.
Sonymen qatar, jańashyldyqtyń biri jergilikti atqarýshy organdardyń seısmıkalyq aımaqtarǵa bólý jáne seısmıkalyq qaýipti baǵalaý jumystaryn júrgizý quzyretin keńeıtý bolmaq. Sonymen qatar seısmıkalyq qaýipti aımaqta endi tótenshe jaǵdaılar departamentterinen sıgnal túskennen keıin bir mınýt ishinde azamattardy habardar etý kózdelgen.
Zań jobasy sondaı-aq erikti kómekshilerdiń mártebesin de resmı túrde aıqyndaıtyn bolady. Máselen, qutqarýshylar men órt sóndirýshilerge kómektesetin eriktiler jalaqylaryn alyp, oqýdan ótedi.
