Foto: sud.gov.kz
Joǵarǵy Sottyń baspasóz qyzmetiniń málim etýinshe J. men I. jábirlenýshiniń densaýlyǵyna qasaqana aýyr zııan keltirý arqyly abaısyzda ony óltirip alǵan. QK-niń 106-babynyń 3-bóligimen jáne 389-babynyń 3-bóligimen olar kináli dep tanylǵan jáne árqaısysyn 8 jylǵa bas bostandyǵynan aıyrýǵa úkim shyqqan.
Sot alqasy is materıaldaryn zerdelep, qorytyndyǵa keldi.
Bastapqy sot-medısınalyq saraptamasynyń qorytyndysyna sáıkes, jábirlenýshiniń densaýlyǵyna aýyr zııan keltirilgen, bul jaraqattar onyń ólimine tikeleı baılanysty bolǵan.
Qosymsha komıssııalyq sot-medısınalyq saraptamasynyń qorytyndysyna sáıkes, jábirlenýshiniń densaýlyǵyna ortasha dárejede zııan keltirilgen. Onyń ólimine emdelýden bas tartýy, medısınalyq kómekke kesh júginýi jáne medısınalyq kómekke júginý kezinde dıagnostıkany durys qoımaýy sebep bolǵan. Alaıda, jergilikti sottar tek bastapqy sot-medısınalyq saraptamasynyń qorytyndysyn nazarǵa alǵan, biraq qosymsha komıssııalyq sot-medısınalyq saraptamasynyń qorytyndysyna baǵa bermegen, sottyń onymen kelispeıtindigi týraly tujyrymdary úkimde ýájdelmegen.
Birinshi satydaǵy sot dáleldemelerde bar qarama-qaıshylyqtardy joımaǵan, teksermegen jáne istiń barlyq mán-jaılaryn tolyq túsindirmegen. Bul, óz kezeginde, sottalǵan adamnyń kinásine kúmán keltiredi.
Odan basqa, tómengi satydaǵy sottar qylmystyq-prosestik zańnyń normalaryn buzýǵa jol bergen. Sot talqylaýynyń barysynda prokýror taǵylǵan aıypty onsha aýyr emes túrine ózgertken. Budan keıin sot isti QPK-niń 323-babyna sáıkes prokýrorǵa qaıtarǵan. Is qaıtadan sotqa túsken soń jańa aıyptaý aktisi is boıynsha jasalmaǵan. Osy jaǵdaılarǵa qaramastan, sot aýyr aıyp boıynsha negizsiz aıyptaý úkimin shyǵarǵan.
Joǵarǵy Sot sondyqtan advokattardyń ótinish hatyn qanaǵattandyryp, jergilikti sottardyń sot aktilerin buzyp, QPK-niń 24-babynyń is boıynsha barlyq mán-jaılardy jan-jaqty, tolyq jáne obektıvti zertteý, aıyptaý jáne qorǵaý tarapynyń dálelderin tekserý týraly talaptaryn oryndaý úshin isti jańadan sot qaraýyna joldady.
