Foto: Mádenıet jáne aqparat mınıstrligi
Ulttyq mýzeıde ótken jıynǵa qordyń prezıdenti Aqtoty Raıymqulova, Túrki memleketteri uıymynyń bas hatshysy Kýbanychbek Omýralıev, sondaı-aq uıymǵa múshe elderdiń Mádenıet mınıstrleri qatysty.
Aıda Balaeva Túrki mádenıeti men murasy qory asa qundy mádenı jáne tarıhı eskertkishterdi saqtaýdyń mańyzdy mıssııasyn atqaryp kele jatqanyn atap ótti.
«Búginde bizdiń elder úshin tarıhı-mádenı murany saqtaý máselesi ózekti. Ejelgi eskertkishter men artefaktilerdiń jaǵdaıyna ýaqyt, klımattyń ózgerýi jáne ókinishke qaraı antropogendik faktor áser etýde. Sondyqtan qazir mundaı nysandardy konservasııalaý jáne restavrasııalaý salasyndaǵy bilikti mamandarǵa qajettilik ósýde», dedi mınıstr.
Sondaı-aq, Aıda Balaeva Túrkistan qalasynda restavratorlardy oqytý jobasyn iske asyrýdy usyndy. Semınar ártúrli elder restavratorlarynyń tájirıbe almasýyna jáne birlesken jobalardy iske asyrýǵa yqpal etedi.
Budan bólek, túrki órkenıeti damýynyń túrli tarıhı kezeńderin qaıta jańǵyrtý maqsatynda bıyl «Botaı jáne Turan – túrki áleminiń negizderi» taqyrybynda semınar-tımbıldıng uıymdastyrylatynyn aıtty.
Jıynda Aqtoty Raıymqulova qordyń 2024 jyly atqarǵan qyzmeti týraly baıandady. Sondaı-aq, 2025-2026 jyldarǵa arnalǵan is-qımyl jospary qarastyryldy. Is-shara túrki elderiniń mádenı yntymaqtastyǵyn damytýdaǵy mańyzdy qadam boldy. Atalǵan kezdesý mádenı murany saqtaý salasyndaǵy ózara baılanysty nyǵaıtyp, halyqaralyq jobalarǵa jańa serpin berdi.
Sonymen qatar, keńes otyrysy aıasynda QR Ulttyq mýzeıinde QR MAM qoldaýymen «Til – izgiliktiń bastaýy: Dıýan lýǵat át-túrk» atty halyqaralyq kórmeniń saltanatty ashylý rásimi ótti. «Dıýan lýǵat át-túrk» ensıklopedııalyq sózdiginiń 950 jyldyǵyna oraı ashylǵan kórme túrkilerdiń órkenıet qurýshy qyryna basa nazar aýdara otyryp, búginge jetken biregeı qazynany tanystyrýdy maqsat etedi.
Aıta keteıik, Túrki mádenıeti jáne murasy qory keńesine osy jyly Qazaqstan tóraǵalyq etpek.
