Foto: gov.kz
Berik Asylovtyń aıtýynsha, prokýrorlar qaýip-qater aımaǵyndaǵy 63 myń otbasyny aralaǵan. Tekserýlerden keıin bala asyrap alǵan ata-analar men qamqorshylarǵa qatysty 93 sotqa deıingi tergeý bastalǵan.
Al 11 myń ata-ana men zańdy ókil bala tárbıesindegi mindetterin oryndamaǵan. Asa aýyr jaǵdaıda qalǵan 342 bala memleket qamqorlyǵyna alynǵan.
«54 ata-ananyń quqyqtaryn shekteý jáne 92 ata-ana quqyǵynan tolyq aıyrý týraly talap-aryzdar berildi. Myńnan astam otbasyǵa materıaldyq kómek kórsetildi (alǵashqy kómek zattary, azyq-túlik, oqý quraldar, kómir jáne basqalary). 1 myńnan astam otbasyǵa turǵyn úı máselesi boıynsha qoldaý kórsetildi. 10 myń otbasyǵa medısınalyq jáne áleýmettik kómek usynyldy. Balalarǵa 4,5 mlrd teńge kóleminde alıment óndirip alyndy», dedi Bas Prokýror.
Berik Asylov «URPAQ» jobasy aıasynda atqarylyp jatqan jumystardyń nátıjesin bólisti. Balalardyń quqyqtaryn buzylǵan jaǵdaıda málimet berýge arnalǵan Telegram chat-bottary iske qosylǵan. Mektep pen memlekettik mekemelerde, qoǵamdyq oryndarda máseleni jedel jetkizý úshin QR-kodtar ornatylǵan.
«Qysqa ýaqyt ishinde oqýshylar men muǵalimder tarapynan oryn alǵan buzaqylyq pen býllıng týraly 1 809 habarlama tústi. Tekserý nátıjeleri boıynsha 192 adam ákimshilik jaýapkershilikke tartyldy. 1 617 adammen profılaktıkalyq áńgimeler men túsindirý jumystary júrgizildi», dedi Berik Asylov.
