Áıgili kúıshi Dına Nurpeıisovanyń ómiri men shyǵarmashylyǵyna arnalǵan qoıylymdy teatrdyń bas rejısseri Almat Sháripov sahnalaǵan.
«Shyǵarma qolyma túsken sátten Dına anamyzdyń ómiri, shyǵarmashylyǵy jaıynda zertteı bastadym. Kúıshiniń urpaqtarymen habarlastym. Pesa avtory Marjan Ershýovamen de tyǵyz baılanysta bolyp, sahnaǵa laıyqtap jóndep aldyq. Sahnalyq kostıýmder sapaly tigildi, arnaıy bı qoıylyp, akterler ýaqytyly jumys atqardy. Ujymǵa alǵysym sheksiz», deıdi Almat Nurlanuly.
A.N.Ostrovskıı atyndaǵy orys drama teatrynyń sahnasynda ótken premeraǵa qoıylym avtory Marjan Ershý de qatysty. Ol shyǵarmanyń Dına kúıshiniń kúreske toly ómir jolyn, onyń ónerdegi ornyn kórsetip, keıingi urpaqqa nasıhattaý maqsatynda jazylǵanyn aıtty.
«Bıyl bizdiń Hadısha Bókeeva atyndaǵy qazaq drama teatry óziniń XXXII teatr maýsymyn qyrkúıek aıynda ashty. Maýsymdy asha salysymen teatr ujymy eki aı ishinde tórt birdeı teatr festıvaline qatysyp, respýblıkalyq gastroldik saparda boldy. Bıylǵy 2025 jylǵa da birneshe jańa qoıylym men gastroldik sapar josparda tur. О́ńirimizdegi ónerdiń qara shańyraǵyna aınalǵan teatr ǵımaraty kúrdeli jóndeýde turǵanyna qaramastan teatr ujymy kórermenge jańa qoıylym usynýyn toqtatqan emes», deıdi oblystyq mádenıet, tilderdi damytý jáne arhıv isi basqarmasy basshysynyń orynbasary Medhat Qambetov.
Batys Qazaqstan oblysy
