Foto: baq.kz
Depýtattyń pikirinshe, sońǵy 10 jylda múgedektigi bar balalar sany 40%-ǵa ósti, al memlekettiń bul balalarǵa arnalǵan járdemaqy shyǵyndary 50 eseden astam ulǵaıǵan. Alaıda, bul rette mamandandyrylǵan mekemelerdi qamtamasyz etý, bilikti kadrlardyń tapshylyǵy jáne ýaqtyly dıagnostıka jasaý kezinde eskeretin eleýli máseleler bar.
«Statıstıkalyq kórsetkishter alshaqtyǵy – bul baǵyttaǵy júıeli jumysty durys josparlaýǵa kedergi keltiredi. Inklıýzıvti bilim berý mamandarynyń jetispeýshiligi – logoped, sýrdo, olıgo, tıflopedagogtar óńirler turmaq, Astana men Almaty da ótkir seziledi. Balasyna shıpa izdegen ata-analar búkil respýblıkadan osy eki shaharǵa aǵylady. Bul qalalarda da mamandardy 3 aıǵa deıin kútedi, al keıbir jaǵdaılarda kútý ýaqyty bir jylǵa deıin jetýi múmkin. Jalpy respýblıka boıynsha múgedektigi bar balalardyń shamamen 15%-y mektepke deıingi jáne mekteptegi bilim berý salasyndaǵy memlekettik qyzmettermen qamtamasyz etilmegen», dedi Bıbigúl Jeksenbaı.
Bıbigúl Jeksenbaı osy máselelerdi sheshý úshin múgedektigi bar adamdar boıynsha derekterdi esepke alýdy avtomattandyrýdy, erte dıagnostıka jasaýdy engizýdi, maman daıarlaýdy ulǵaıtýdy jáne otbasylardy áleýmettik qoldaýdyń qosymsha sharalaryn ázirleýdi usyndy.
