Úkimet qaýlysymen bekitilgen Qazaqstan Respýblıkasynyń mádenı saıasatynyń 2023–2029 jyldarǵa arnalǵan tujyrymdamasyna sáıkes, ádebıet oqýǵa jáne nasıhattaýǵa balalar men jasóspirimderdi tartý boıynsha qazaq batyrlary, tarıhı oqıǵalar, mıfologııa jáne ózekti trendter taqyrybynda ulttyq sıpaty bar balalar komıksterin jasaý júrgizilip jatyr.
Halyqaralyq tájirıbe negizinde «Bozoq» mýzeı-qoryǵy jas oqyrmandarǵa arnap kitap shyǵardy. Komıks mátini qazaq, orys jáne aǵylshyn tilderinde basyldy. Komıksterdi salǵan sýretshi, «Bozoq» mýzeı-qoryǵynyń dızaıneri – Beken Japarov. Kitaptyń negizgi sıýjettik ıdeıasy ortaǵasyrlyq Bozoq qalashyǵynyń arheologııalyq qazbalarynyń tarıhı málimetterine negizdelgen.
Is-shara aıasynda qatysýshylar óskeleń urpaqtyń tarıhı sanasyn qalyptastyrýdaǵy balalar ádebıetiniń mańyzyn, tarıhı-mádenı murany nasıhattaý, balalarǵa bilim berýdegi jobalardy damytý joldaryn talqylady.
