Podrobno.uz saıtynyń jazýynsha, О́zbekstannyń Olıı Májilis zań shyǵarý palatasy «Mıllıı tıklanısh» partııasynyń sottalǵandardyń jaza merzimin kitap oqý arqyly qysqartý týraly bastamasyn qoldady.
Zań jobasyna sáıkes, bekitilgen tizim boıynsha oqylǵan ár kitap jáne tabysty tapsyrylǵan emtıhan sottalǵan adamnyń jaza merzimin úsh kúnge qysqartady.
Bul bastama tek jazany qysqartý úshin ǵana emes, shartty túrde merziminen buryn bosatý jáne jaza jeńildikterin qaraý kezinde de eskeriledi. Osyǵan baılanysty Qylmystyq-prosessýaldyq kodeksine (536-1-bap) jáne Qylmystyq-atqarý kodeksine (80-1-bap) tıisti ózgeristeri engizilmek.
О́zbekstan bıligi halyqaralyq standarttarǵa sáıkes sottalǵandardyń quqyqtaryn qorǵaý jáne olardy qaıta áleýmettendirý baǵytynda birqatar reforma júrgizip jatyr.
«Bul bastama sottalǵandardy ózin-ózi damytýǵa yntalandyryp qana qoımaı, olardyń túzelýge degen qulshynysyn arttyrady. Álemdik tájirıbe kórsetkendeı, mundaı reformalar oń nátıje beredi», – dep atap ótti zań shyǵarýshy organ ókilderi.
