Bul týraly oblystyq polısııa departamenti resmı málimdeme taratty.
«Atalǵan fakti boıynsha QR Qylmystyq kodeksiniń 277-babynyń 3-bóligi «Taý-ken jumystaryn nemese qurylys jumystaryn júrgizý kezinde qaýipsizdik erejelerin buzý» boıynsha is qozǵaldy», delingen habarlamada.
Oqıǵa ornynda departamenttiń jedel-tergeý toptary jumys istep, barlyq qajetti tergeý áreketteri júrgizilip jatyr.
Eske salaıyq, dúısenbi kúni «Qazaqmys» korporasııasyna qarasty «Jomart» kenishindegi shahtada taý jynysy opyrylǵan. Oqıǵa saldarynan 7 shahta jumysshysy úıindi astynda qalyp qoıǵan.
QR Premer-mınıstri Oljas Bektenovtyń tapsyrmasymen shahtanyń opyrylýynyń sebepterin anyqtap, zardap shekkenderge kómek kórsetý úshin arnaıy komıssııa quryldy. Komıssııany Premer-mınıstrdiń orynbasary Qanat Bozymbaev basqardy.
Tótenshe jaǵdaılar mınıstrligi buǵan deıin tótenshe jaǵdaılar qyzmeti alty jumysshynyń máıitin tapqanyn, jetinshi jumysshyǵa izdeý jumystary júrip jatqanyn habarlaǵan. Keıinirek agenttik qutqarýshylar sońǵy qurbannyń máıitin tapqanyn habarlady. Barlyq jeti jumysshynyń máıiti shyǵarylyp, sot-medısınalyq saraptamaǵa polısııaǵa tapsyrylǵany habarlandy.
«Qazaqmystyń» baspasóz qyzmeti túsindirgendeı, «Jomart» kenishinde tótenshe jaǵdaıǵa aldyn ala málimetter boıynsha tabıǵı gazdyń jarylýy sebep boldy.
Korporasııa Jomart kenishinde qaza tapqandardyń týystaryna ujymdyq shartta kózdelgen qajetti kómek kórsetiletinin aıtty. Áleýmettik jáne materıaldyq qoldaý kórsetý, onyń ishinde moraldyq zııandy óteý úshin otbasylarǵa jumysshynyń ortasha jyldyq jalaqysynyń 10 eselengen mólsherinde, sondaı-aq jerleýdi uıymdastyrýǵa 2 mıllıon teńgeden astam qarajat tólenedi. Sonymen qatar, otbasy músheleriniń ótinishi boıynsha asyraýshysynan aıyrylýyna, balalarynyń oqýyna, qaıtys bolǵan qyzmetkerlerdiń nesıelerin óteýge, sondaı-aq basqa da kómek túrlerine aı saıynǵy tólemder qarastyrylǵan.
Ulytaý oblysynyń ákimdigi de qaza bolǵan jumysshylardyń otbasylary men jaqyndaryna barlyq qajetti psıhologııalyq jáne áleýmettik qoldaý kórsetetinin habarlady.
