Ýnıversıtet mamandary Ile-Balqash óńirinde ósetin burshaqtústi túıetaban ósimdigin zerttep, ony qaterli isik aýrýyna qarsy dárilik preparattar quramynda qoldanýǵa bolatynyn anyqtady.
Burshaqtústi túıetaban erterekte halyq medısınasynda keńinen qoldanylǵanmen, ǵylymı turǵyda tolyq zerttelip bolmaǵan. QazUÝ ǵalymdary alǵash ret fıtohımııalyq jáne bıologııalyq quramyndaǵy belsendi zattardy anyqtaý saraptamasyn jasap, aldaǵy ýaqytta otandyq farmasevtıkany damytýǵa septigin tıgizetindigine zor senimmen qaraıdy.
«Joba nátıjesinde burshaqtústi túıetaban ósimdiginiń bıologııalyq belsendiligi joǵary ekeni anyqtaldy. О́simdik syǵyndylary antıoksıdanttyq, mıkrobqa qarsy jáne sıtoýyttylyq qasıetterimen erekshelendi. Máselen, etanol syǵyndysy kúshti antıoksıdanttyq belsendilik kórsetse, etıl asetatynyń syǵyndysyn bakterııalarǵa qarsy qoldanýǵa bolady. Sondaı-aq ósimdiktiń belgili bir syǵyndylary leıkemııa jasýshalaryna qarsy tura alatyny zertteldi. Muny bolashaqta qaterli isik aýrýyna qarsy daıyndalatyn dárilerde paıdalanýǵa bolady», deıdi QazUÝ-dyń aǵa oqytýshysy, doktorant Gúlzat Qaıranova.
Qazirgi kezde ǵylymı jobamen qaýymdastyrylǵan professor Ásem Mamýrova, PhD, Túrkııa professory Ahmet Beıatly jáne QazUÝ doktoranty Gúlzat Qaıranova aınalysyp jatyr.
Ýnıversıtettiń baspasóz qyzmetinen habarlaǵandaı, aldaǵy ýaqytta mamandar patent alý jaǵyn josparlap, joǵary reıtıngtik ǵylymı jýrnaldarǵa maqala jarııalamaqshy.
