Mirjaqyppen qaıta qaýyshty

Almaǵaıyp kezeń­degi tarıhı oqı­ǵalardy arqaý etken qoıylym ult azattyǵy úshin arpalysqan Alash arystarynyń jankeshti taǵ­dyryn kóz aldyńyzǵa ákeledi.

Tarıhı tragedııanyń bas keıipkeri Mirjaqyptyń beı­nesin akter Nurlan Baıshın, Alash aldaspanynyń aıaýly jary Ǵaınıjamaldy ta­lantty aktrısa Dıana Tur­synova, ult ustazy Ahmet Baıtursynulyn kóp qyrly sahnager Qabdol-Májıt Ima­nov sátti somdap shyqty. Teatrdyń beldi akteri Azamat Chý­­keev somdaǵan Fılıpp Go­loshekınniń beınesi arqyly zal toly kórermen qyzyl ja­laý­latqan zulmat zamannyń yz­ǵaryn anyq sezingendeı boldy.

Teatr akteri Nurlybek Kenjeahmetov esimi beımálim jaltaq, ekijúzdi keıipkerdi somdaǵanda, sol kezdegi qyzyl­kóz sholaq belsendilerge ortaq beıne dep túsindik.

Dramalyq qoıylymnyń shyrqaý shegi – abaqtyda jatqan Mirjaqyptyń Ahmet­pen baquldasýy, Ǵaını­ja­malmen qoshtasýy der edik. Osy tusta Mirjaqyp, Alash armanyn urpaqqa amanat
etip, kindik qany tamǵan Qyzbelimen, qalyń elmen qoshtasa kelip, bútin alash jurtynyń uranyna aınalǵan «Oıan, qazaq» óleńin oqıdy. Asa aýyr azaly áýenniń súıe­meldeýimen oqylǵan óleń kórer­menniń kózine jas úıirip, aza boı­dy qaza qylǵandaı kúı kesht­iredi.

Qoıylym aıaqtalǵan soń zal toly kórermen ónerpaz­dardy sahnadan jibermeı, qoshemetke kómip qol soǵyp turyp aldy. Teatr ujymyna aımaq basshysynyń atynan qoshemet gúli tabys etildi.

Teatr ujymy aldaǵy jazda Mirjaqyp Dýlatulynyń 140 jyldyǵyna oraı on shaqty aýdanǵa gastroldik saparmen barýdy josparlap otyr.

Qostanaı oblysy