Foto: Oqý-aǵartý mınıstrligi
2020 jyldan bastap Prezıdent tapsyrmasyna sáıkes, pedagogterdiń aılyq eńbekaqysy 100 paıyzǵa ósti. Sondaı-aq 2023 jyldyń qyrkúıeginen bastap mektepke deıingi bilim berý uıymdarynyń tárbıeshileriniń jalaqysy 30%-ǵa artty. Al tehnıkalyq jáne kásiptik bilim berý uıymdaryna kásiporyndardan tartylǵan mamandarǵa 30-35 % kóleminde ústemeaqy qosylǵan.
«Pedagog mártebesi týraly» zań qabyldanǵannan keıin, muǵalimderdiń jalaqysynyń mólsheri biliminiń, sanatynyń (sheber, zertteýshi, sarapshy, moderator) deńgeıine jáne eńbek ótiline, júkteme kólemine, sondaı-aq eńbek etý jaǵdaıyna baılanysty qosymsha tólemder, akademııalyq dárejesiniń bolýy (10 AEK), tálimgerlik etýi, sabaqtan tys sporttyq dárister berýine (bazalyq laýazymdy eńbekaqydan 100%) baılanysty ósip otyrady.
Osylaısha, túrli sanattarynyń bolýyna baılanysty pedagogterge kelesideı ústemeaqy tólenedi:
* Pedagog-sheber – 50%
* Pedagog-zertteýshi – 40%
* Pedagog-sarapshy – 35%
* Pedagog-moderator – 30%
