Foto: SIM
Is-sharaǵa TÚRKSOI Bas hatshysy Sultan Raev, Qazaqstannyń Túrkııadaǵy Elshisi Erkebulan Sápıev, Ankara mýzyka jáne óner ýnıversıtetiniń rektory, Túrki álemi óner ýnıversıtetteri keńesiniń basshysy Erhan О́zden, Qazaqstannan arnaıy kelgen ónerpazdar, dıplomattar, depýtattar men qazaq dıasporasy qatysqan.
Ashylý saltanaty Ankaranyń ataqty «Túrki álemi» mýzyka tobynyń N.Tilendıev shyǵarmalaryn oryndaýymen bastaý alǵan. Odan ári qonaqtar kompozıtordyń fotokórmesiniń tusaýyn kesip, N.Tilendıev memorıaldy mýzeıiniń ǵylymı qyzmetkeri Nurmuhan Shaımerdenov kelgen qonaqtarǵa uly kúıshiniń óner jáne ómir jolyn tanystyrǵan.
«Nurǵısa Tilendıevtiń mýzykasy bizge tek ónerdiń bıigin kórsetip qana qoımaı, elimizdiń mádenıetine jáne ulttyq biregeıligine degen súıispenshilikti arttyrady. Onyń eli úshin sińirgen eńbegi urpaqtan-urpaqqa úlgi bolyp qalary sózsiz», dedi Qazaqstannyń Túrkııadaǵy Elshisi Erkebulan Sápıev
TÚRKSOI Bas hatshysy S.Raev Nurǵısa Tilendıevtiń tek qazaq jurtyna ǵana emes búkil túrki álemine belgili tulǵa bolǵanyn alǵa tartqan.
Qazaqstannan arnaıy kelgen Qazaq memlekettik akademııalyq fılarmonııasynyń dırektory Aqan Ábdýálı, N.Tilendıev atyndaǵy akademııalyq folklorly-etnografııalyq «Otyrar sazy» orkestriniń kúıshisi Arsen Tursyn, Ankaradaǵy qazaq stýdentterinen quralǵan «Otaý» ansambli kompozıtordyń keremet shyǵarmalaryn oryndap, is-sharaǵa erekshe atmosfera syılady.
Esterińizge sala keteıik, 2023 jyly Ázerbaıjanda ótken TÚRKSOI uıymyna múshe elderdiń Mádenıet mınıstrleriniń 40-shy turaqty keńesi qorytyndysy boıynsha 2025 jyl N.Tilendıevtiń 100 jyldyq mereıtoıyna oraı TÚRKSOI uıymy aıasyndaǵy uly kompozıtordy eske alý jyly bolyp jarııalanǵan bolatyn.
