Depýtattyń aıtýynsha, túzetýler engizilgen jańa zań jobasy ınstıtýt retinde joıylmaǵan páter ıeleri kooperatıvteri qyzmetiniń ashyqtyǵyna qoıylatyn talaptardy engizý, sondaı-aq turǵyndardyń kondomınıýmdy basqarý nysandary men sharttaryn tańdaýy úshin barynsha erkin quqyqtyq orta qurý máselesin tıimdi sheshedi.
Ol úshin zań jobasyna kondomınıýmdy basqarýdyń eki túri engizilgen. Biri múlik ıelerin biriktirý, ekinshisi tikeleı birlesken basqarý. Al qarapaıym seriktestikter jeke nysan retinde alynyp tastalady, biraq is júzinde basqarýdyń ekinshi nysany túrinde óz jumysyn jalǵastyra alady.
«Basqarý sýbektileriniń úsh túri qoldanylady:
- basqarýshy kompanııa;
- kásibı basqarýshy;
- páter ıeleriniń kooperatıvi.
Páter ıeleri kooperatıvteriniń basqarý sýbektisi retindegi qyzmetine jańa talaptar qoıylady:
- olardy qaıta tirkeý tártibi;
- quqyq belgileıtin qujattardy berý tártibi;
- jumystyń ashyqtyǵyna qoıylatyn talaptar.
Sondaı-aq:
- menshik ıeleri birlestigi tóraǵasynyń ókilettik merzimi bir jyldan úsh jylǵa deıin ulǵaıady;
- menshik ıeleriniń birlestigine úıdi basqarý jónindegi qyzmetti óz erkimen júrgizýge quqyq beriledi;
- qurylys salýshynyń birinshi páterdi satqannan keıin kondomınıýmdy tirkeý mindettemesi kózdeledi.
Turǵyn úı ınspeksııasynyń ókilettikterin keńeıtý:
-
kásibı basqarýshylarda biliktilik sertıfıkatynyń bolýy;
-
kondomınıým obektisin tirkeýdiń bolýy;ózgerister
-
turǵyn úı-jaıdy paıdalaný normalaryn saqtaý», delingen zań jobasynda.
E. Smyshlıaeva usynylǵan ózgerister kóp páterli turǵyn úı turǵyndarynyń quqyǵyn qorǵaýǵa baǵyttalǵanyn atap ótti.
