Otyrys barysynda Senat depýtattary «Qazaqstan Respýblıkasynyń Úkimeti men О́zbekstan Respýblıkasynyń Úkimeti arasyndaǵy «Ortalyq Azııa» halyqaralyq ónerkásiptik kooperasııa ortalyǵynyń qyzmetin retteý týraly kelisimdi ratıfıkasııalaý týraly» zańdy qarap, maquldady. Ortalyq shekaralas aýmaqtarda ornalasqan jáne onyń ár bóligi óz memleketiniń quzyrynda bolady.
«Maquldanǵan zań Qazaqstan men О́zbekstan arasyndaǵy ónerkásip salasyndaǵy jańa kooperasııa ortalyǵynyń quqyqtyq negizin aıqyndaıdy. Sonyń aıasynda «Ortalyq Azııa» halyqaralyq ónerkásiptik kooperasııa ortalyǵynyń mártebesi, onyń qyzmet túrleri men quzyreti belgilendi. Aldaǵy ýaqytta zań baýyrlas eki eldiń iskerlik baılanystaryn arttyrýǵa, sondaı-aq saýda-ekonomıkalyq qatynastaryn nyǵaıtýǵa oń yqpal tıgizedi dep senemiz», dedi Máýlen Áshimbaev.
Depýtattar atap ótkendeı, ortalyqtyń qyzmeti Taraptar memleketteriniń shaǵyn jáne orta ónerkásiptik kásiporyndaryn halyqaralyq qosylǵan qun tizbegine ıntegrasııalaý úshin qolaıly jaǵdaılar jasaýǵa baǵyttalǵan. Zań normalary shekara mańyndaǵy aýmaqtardyń óndiristik bazasyn paıdalaný tıimdiligin arttyrýdy, ortalyq terrıtorııasynda qurylatyn ónerkásiptik kásiporyndardyń óndiris prosesterin ońtaılandyrýdy, olardyń básekege qabilettiligin joǵarylatýdy, sondaı-aq ınnovasııalyq jáne ǵylymdy qajet etetin óndiristerdi damytýdy kózdeıdi.
