Bıýrokratııalyq kedergilerdi joıǵan minber

Quryltaıdyń bir jaqsy jeri – osy jerde mamandar aıtqan usynystar otyrys hattamasyna engizilip, birden mınıstrlikterge joldanady. Sondyqtan quryl­taı bıýro­kra­tııalyq kedergilerdi joı­ǵan birden-bir minber dep bilemin.

Biz buǵan deıin quryltaı múshe­ligine kirgen elimizdegi úsh JOO rektory aqyldasa kele bilim men ǵylym salasynyń damýyna qatysty pikirler men usynystar­dy júıeleý maqsatynda aldyn ala sarapshylyq toptar quryp alyp, so­nyń negizinde naqty usynystar­dy jetkizýge tyrysyp baǵamyz. Mine, sol isimiz nátıjesin berip jatyr. Keshe ǵana Arqalyq­taǵy pedagogıkalyq ınstıtýt al­daǵy ýaqytta úlken ýnıversıtet bolady degen súıinshi jańalyq eńsemizdi kóterip tastady.

Sodan keıin Ulttyq quryl­taıda, Prezıdent Joldaýynda aıtylǵan óńirlik joǵary oqý oryndaryna qoldaý bildirý, ǵylymı áleýetin kóterý úshin tehnoparkter salý isi de qolǵa alyna bastady. Jalpy, keıingi tórt jylda ǵylym men bilimge joǵary deńgeıde qarajat bólinip keledi. Tipti byltyrǵy qıyn jaǵdaıdyń ózinde ýnıversıtetterge, ǵylym baǵytynda jaqsy qarjylyq qol­daý kórsetildi.

Árıne, kemshilikter de bar. Aıtalyq, otyz jyldyń ishinde ýnıversıtetterdegi ınfra­qurylym damymaı qaldy. Jataqhanalar men zerthanalar salynbady. Endi sonshalyqty bólinip jatqan qar­jynyń qaı­tary­myn elimiz ǵylym­nan da, bilim­nen de kútedi. Ǵylym men bilim de memleket damýyna qyzmet etý qajet. Ǵylymdy kommersııalandyrý, bıznes ortamen,­ óndiris oryndarymen jumys júr­gizý syndy sharýalar qolǵa alynýy kerek.

Sonymen qatar «Serpin» baǵ­dar­lamasyn toqtatpaı, ári qaraı damytqan jón. Iаǵnı bul joba­men tek bakalavr ǵana emes, magıs­trant, PhD daıarlaýdy da qolǵa alsa, artta qalyp otyrǵan shalǵaı ob­lys­tarǵa úlken serpin bolar edi.

Nurlan DÝLATBEKOV,

E.Bóketov atyndaǵy Qaraǵandy zertteý ýnıversıtetiniń rektory, akademık