Er-Rııadtaǵy kezdesýde Saýd Arabııasy UOK bas hatshysynyń keńse dırektory Nasser Mýnır, sol memlekettiń Boks federasııasynyń prezıdenti Abdýlla Alarbı, World Boxing uıymynyń bas hatshysynyń mindetin atqarýshy Maık Makattı jáne Qazaqstan UOK bas hatshysy Álimjan Aqaev bos qosty.
Saýd Arabııasynyń Boks federasııasy World Boxing uıymyna qosylǵanyn rastady. Kezdesý barysynda taraptar olımpıadalyq bokstyń bolashaǵyn, onyń ishinde 2028 jyly Los-Andjeleste ótetin Olımpııa oıyndaryndaǵy mártebesin, sondaı-aq, bul sport túrin qoldaýdaǵy Saýd Arabııasynyń rólin talqylady.
Sonymen qatar jaqynda bokstyń Bahreın-2025 jasóspirimder arasyndaǵy Azııa oıyndaryna engizilýi de negizgi taqyryptardyń biri boldy. Gennadıı Golovkınniń bul bastamasy aımaqtyq deńgeıde jáne Asian Boxing konfederasııasynda keńinen qoldaý tapty. Budan bólek, boksty Islam yntymaqtastyǵy oıyndarynyń baǵdarlamasyna qosý múmkindigi qarastyryldy.
