Alqaly jıyn tulǵanyń tarıh ǵylymynyń damýyna, Alash qozǵalysy tarıhyn zertteýge qosqan úlesin jáne onyń ómiri men qyzmet jolyn tereńirek tanystyryp, nasıhattaýdy maqsat etedi. Is-shara aıasynda kitaphanada «Keńes Nurpeıisuly – 90 jyl» atty kitap kórmesi uıymdastyryldy. Rýhanı jıynǵa moderatorlyq etken Memleket tarıhy ınstıtýty dırektorynyń orynbasary Búrkitbaı Aıaǵan ǵalymnyń HH ǵasyrdaǵy Alash tarıhyn zertteýge qosqan úlesine jan-jaqty toqtaldy.
Sondaı-aq Ulttyq akademııalyq kitaphananyń basshysy Kúmis Seıitova 2017 jyly kitaphana qoryna qaıratkerdiń týystary jeke kitaphanasynan 3 193 dana kitap syıǵa tartqanyn, barlyq eńbegi elektrondyq katologke engizilgenin aıtyp, dóńgelek ústel jumysyna sáttilik tiledi.
Onlaın jáne offlaın formatyndaǵy is-sharany akademııalyq kitaphana Memleket tarıhy ınstıtýtymen berlesip ótkizgenin aıta ketken jón.
Jıyn barysynda Alashorda úkimetiniń qalyptasýy, tarıhı jad jáne Keńes Nurpeıisulynyń ǵylymı murasy, HH ǵasyrdaǵy Qazaqstan tarıhyn zertteýdegi qazirgi ustanymdar taqyryptary keńinen talqylandy. Dóńgelek ústelge onlaın qatysqan Qyrǵyz Respýblıkasy Dıplomatııalyq akademııasynyń vıse-prezıdenti Zaınıdın Qurmanov, Myrza Ulyqbek atyndaǵy О́zbekstan Ulttyq ýnıversıtetiniń professory Zamıra Ishanhodjaeva, PhD Rafıs Abasov jáne otandyq ǵalymdar sanaly ǵumyryn ult tarıhyna, Alash qaıratkerleriniń tulǵasyn tereń zertteýge arnaǵan kórnekti ǵalymnyń ǵylymı jáne tulǵalyq bolmysyna toqtaldy.
Dóńgelek ústelge Memleket tarıhy ınstıtýtynyń ǵylymı qyzmetkerleri, joǵary oqý oryndarynyń professorlyq oqytýshylar quramy, doktoranttar, magıstranttar, stýdentter, kitaphanashylar men BAQ ókilderi qatysty.
