Enshimizde – 3 medal

Karate 1-Premier League  – álemdegi bedeldi týrnırlerdiń sana­tyna kiredi. Oǵan dúnıe­júzi­lik reıtıngte 32 sportshy­nyń qataryna enetin sańlaqtar ǵana qatysady. El quramasy­nyń 3 sportshysy kýmıte baǵdarlamasynda júldege qol jetkizdi. Topta bar­lyq qarsylasyn utqan Mól­dir Jańbyrbaı (50 kg) fınalda­ Aljır sportshysy Sılııa Ýıken­men teń túsken edi, biraq qarsylasy aldymen upaı ıelen­gendikten jeńis Sılııanyń enshi­sine jazyldy. Móldir qańtar aıynda Parıjde ótken jyl­dyń alǵashqy premer-lıga týr­nırinde qola júldege ıe boldy. Karate sportynan áıelder arasynda tuńǵysh álem chempıo­ny ataǵyn ıelengen sańlaqtyń kelesheginen kúterimiz mol.

Jartylaı fınalda súringen Ásel Qanaı (61 kg) men Sofıa Berýlseva (+68 kg) qola medal úshin ótken aıqasta qar­sylastaryn qapy qaldyrdy. Qysta Parıjde ótken saıys­ta Ásel men Sofıa fınalda sú­rinip, kúmis medal oljalaǵan bola­tyn.

Hanchjoýdaǵy dodaǵa 68 elden 400 sportshy qatysty, Japonııa –30, Italııa – 29, Fransııa, Túrkııa elderi 21 sportshysyn qosty. Karate 1-Premier League dodasynyń  kelesi kezeńderi 18-20 sáýir aralyǵynda Mysyr astanasy Kaırde ótse, 30 mamyr men 1 maýsym aralyǵynda Marok­konyń Rabat qalasyn dúbirge bóleıdi.