Foto: Eńbekmıni
Eńbek jáne halyqty áleýmettik qorǵaý mınıstrligi (budan ári – Eńbekmıni) baspasóz qyzmetiniń málimdeýinshe, Eńbekmıni memlekettik organdarmen jáne ákimdiktermen birlesip Jumysshy mamandyqtar jylyn ótkizý jónindegi is-sharalardyń keshendi josparyn iske asyryp jatyr. Osy jumys aıasynda bos jumys oryndar jármeńkeleri ótkiziledi, kásiptik standarttar jetildiriledi, jumys berýshilermen ózara is-qımyl kúsheıtiledi. Bul sharalar eńbek naryǵyn bilikti kadrlarmen qamtamasyz etýge jáne azamattardyń áleýmettik-ekonomıkalyq ál-aýqatyn arttyrýǵa múmkindik beredi.
«Aldaǵy 6 jylda kadrlarǵa jıyntyq suranys sany 1,6 mln adam bolady dep kútilip otyr, onyń ishinde 900 myńǵa jýyǵy kásiptik-tehnıkalyq bilimi bar qyzmetkerlerge, 400 myńnan astamy jumysshy mamandyq ıelerine tıesili bolady. Jumysshy kadrlar qurylys, aýyl sharýashylyǵy, óńdeý ónerkásibi jáne densaýlyq saqtaý salalarynda asa suranysqa ıe», dedi Eńbekmıni Halyqty jumyspen qamtý departamentiniń dırektory Azız Ibragımov.
Qurylys salasyndaǵy eń úlken suranys mynadaı mamandyqtarǵa kútiledi: sylaqshylar – 9 758 adam, qurylys brıgadalarynyń prorabtary – 9 477 adam, dánekerleýshiler – 7 229 adam; aýyl sharýashylyǵy salasynda: fermerler – 10 695 adam, traktorshylar – 7 141 adam, iri qara maldy ósirý boıynsha – 4 940 adam; óńdeý ónerkásibinde: dánekerleýshiler – 3342 adam, tiginshiler men kıimdi qalpyna keltirýshileri – 2606 adam, ónerkásiptik jabdyqtardyń slesarlary – 2367 adam, santehnıkter men qubyr ótkizýshi – 2051 adam; densaýlyq saqtaý salasynda: orta medısınalyq personal – 24 614 adam, jedel járdem júrgizýshileri – 4 604 adam, feldsherler – 4 536 adam.
«Mansap kompasy» platformasy bazasynda 100 myń joǵary synyp oqýshylaryn qamtı otyryp, kásiptik baǵdar berý jumystary júrgiziledi. Qazirgi ýaqytta osy platformada kásibı dıagnostıka boıynsha fýnksıonaldy engizý jumystary júrgizilip jatyr, onyń iske qosylýy osy jyldyń sáýir aıyna josparlanǵan.
«Jastar praktıkasy» jobasy sheńberinde jas mamandardy daıarlaý úshin keminde 35 myń tálimgerdi tartý, sondaı-aq tálimgermen jumys ornynda kásiptik oqytý josparlanǵan. 2025 jylǵy 1 naýryzdaǵy jaǵdaı boıynsha jastar praktıkasyna 3,2 myń adam jiberildi. Jergilikti atqarýshy organdardyń málimetinshe, jastar praktıkasyna qatysýshylarǵa 2 645 tálimger bekitildi», dedi Azız Ibragımov.
Búginde Skills Enbek platformasynda 9 827 oqýshy men TjKB stýdentteri onlaın-oqytýmen qamtyldy.
Osy jyl ishinde keminde 500 myń oqýshy men TjKB stýdentteri «Elektrondyq eńbek bırjasy» biryńǵaı sıfrlyq platformasyn paıdalana otyryp, jumys izdeý jáne jumysqa ornalastyrý daǵdylaryna oqytýmen qamtylatyn bolady. TjKB-nyń úzdik myń túlegin eldiń jetekshi kompanııalaryna jumysqa ornalastyrý josparlanǵan.
Sonymen birge jumys berýshide jumyssyzdardy 6 aıdan aspaıtyn jumys ornynda kásiptik oqytý uıymdastyrylady.
2025 jyldyń aqpan aıynan bastap elimizdiń barlyq óńirlerinde bos jumys oryndar jármeńkeleri jumysshy mamandyqtaryna basa nazar aýdara otyryp ótkiziledi. Elordada mundaı jármeńke «Jumysshy mamandyqtar qalasy» festıvali aıasynda ótip, bir aptaǵa sozyldy.
Búginde bos jumys oryndar jármeńkelerine 1 myńnan astam jumys berýshi qatysyp, jumysshy mamandyqtar boıynsha 9,6 myń bos jumys ornyn usyndy.
«Bıyl sý sharýashylyǵy, mashına jasaý, hımııa ónerkásibi, taý-ken metallýrgııa ónerkásibi, qurylys, jeńil ónerkásip, aýyl sharýashylyǵy salasy, Kólik logıstıkasy, avtomobıl joldary jáne t.b. salalarda 100 kásiptik standart ázirlenip, jańartylatyn bolady.
Biliktilikti tanýdy baǵalaý 4 táýelsiz ortalyqtyń bazasynda bastaldy, taǵy 5 ortalyqty ashý josparlanyp jatyr, onyń ishinde 2 halyqaralyq standarttar boıynsha bolady», dedi Azız Ibragımov.
