Sport • 22 Naýryz, 2025

Jarys kúndeligi

226 ret

kórsetildi

2 mın

oqý úshin

Almatyda ústel tennısinen el chempıonaty ótti. Komandalyq júıemen uıymdastyrylǵan tartysta Shyǵys Qazaqstan oblysynyń quramasy jeńiske jetti. Denıs Jolýdev, Saǵyntaı Qurmambaev, Sergeı Konovalov, Temirlan Jıenbaev, Danıan Shı bastaǵan sportshylar fınaldyq saıysta Almaty quramasyn (Dastan jáne Aıdos Kenjiǵulovtar, Sanjar Jubanov, Abdýlla Mamaı, Damır Sarsenbaı) 3:0 nátıjesimen utty. Qola medal Qaraǵandy men Aqtóbe oblystarynyń tennısshilerine buıyrdy. Áıelder arasynda Sarvınoz Mırkadırova, Ánel Baqyt, Gýzel Torshaeva, Ekaterına Pıýrko, Aııa Álimbaeva syndy úzdikterden jasaqtalǵan Almaty qalasynyń quramasy Qaraǵandy oblysynyń (Záýresh Aqasheva, Janerke Qoshqymbaeva, Araı Áshkeeva, Albına Jaqsylyqova, Farıa Fý) qyzdaryn 3:2 esebimen jeńdi. Qola medaldy Qostanaı oblysy men Shymkent qalasynyń komandasy enshiledi.

Qýanysh NURDANBEKULY

Nıderlandtyń Leývarden qalasynda konkımen júgirýden halyqaralyq týrnır ótti. Álemniń tańdaýly sportshylary qatysqan baıraqty alamanda Evgenıı Koshkın chempıon atandy. 100 metrge júgirýdiń fınaldyq saıysynda jerlesimiz polıak Marek Kanııa, amerıkalyq Djordan Shtolsti shań qaptyrdy.

Serbııada ótken áıelder arasyndaǵy álem chempıonatynda burymdy boksshylarymyz 3 altyn, 2 kúmis, 1 qola medal oljalap, tarıhı nátıje tirkegen bolatyn. Jahandyq dodany uıymdastyrýshy Halyqaralyq boks qaýymdastyǵy (IBA) álem chempıony atanǵan sańlaqqa – 100 myń, kúmis júldegerge –50 myń, qola medal oljalaǵan boksshylarǵa 25 myń AQSh dollary mólsherinde syıaqy berdi. Qazaqstan boks federasııasy da álem chempıonatynan júldeli oralǵan boksshylarǵa dál osyndaı mólsherde syıaqy taǵaıyndady. Sonymen qatar ulttyq quramanyń bapkerlerine, dárigerlerge de qomaqty syıaqy berilmek.

Frıstaıl-akrobatıkadan ótetin álem chempıonatyna kimderdiń qatysatyny naqtylandy. Shveısarııanyń Engadın qalasynda ótetin áledik dodada Sherzod Hashırbaev, Ulanbákir О́mirzaqov, Dinmuhammed Raıymqulov, Asan Asylhanov jáne Aıana Joldas baǵyn synaıdy.