Foto: Ǵylym jáne joǵary bilim mınıstrligi
Shekti baldy 72%-ǵa jýyq talapker jınady. Testileý nátıjesi boıynsha ortasha ball 65 baldy (5 pán boıynsha) qurady. Eń joǵary ball – 139, ony Almaty qalasy jáne Shyǵys Qazaqstan oblysynda oqıtyn 2 talapker jınaǵan.
Testke qatysýshylardyń 70,7%-y qazaq tilinde, 29,2%-y orys tilinde, 100 adam aǵylshyn tilinde testileýden ótti.
Talapkerlerdiń kóbi 18,1%-y «Matematıka-Fızıka» pánder kombınasııasyn tapsyrdy. 14,8%-y «Bıologııa-Hımııa», 12,6% «Shyǵarmashylyq emtıhan» kombınasııasyn tańdaǵan. Eń az tańdalǵan kombınasııa – «Hımııa-Fızıka», ony 105 adam tapsyrǵan.
Ǵylym jáne joǵary bilim mınıstrligine qarasty Ulttyq testileý ortalyǵynyń málimetinshe qazirgi ýaqytta 121 adamnyń nátıjesi joıyldy. Onyń ishinde 43 talapker smartfon, shpargalka sııaqty tyıym salynǵan zattardy alyp ótý áreketi saldarynan test tapsyrý múmkindiginen aıyryldy, testileý kezinde erejelerdi buzǵany úshin aýdıtorııadan 55 adam shyǵarylǵan, al 23 adamnyń sertıfıkaty testileý beınejazbasyn tekserý nátıjesinde joıylǵan.
Aıta ketsek, 2025 jylǵy UBT aıaqtalǵannan keıin kúntizbelik jyldyń 31 qazanyna deıin testileýdiń beınejazbalaryna taldaý júrgiziledi. Tyıym salynǵan zattardy paıdalaný nemese erejelerdi buzý faktileri anyqtalǵan jaǵdaıda túsýshiniń UBT nátıjeleri joıylady.
Esterińizge salaıyq, naýryz UBT-sy 1 naýryz ben 6 sáýir aralyǵynda ótedi. Testileýge qatysýǵa 163 myńǵa jýyq talapker nıet bildirgen.
