Sýret: forbes.kz
Bul qadam qarjylyq qyzmetter spektrin keńeıtýge jáne olardyń klıentterge qoljetimdiligin jaqsartýǵa baǵyttalǵan KMF kompanııasy damýynyń jańa kezeńin aıqyndaıdy.
«Ekinshi deńgeıli bankke aınalýǵa ruqsat alý – bizdiń komandanyń qajyrly eńbeginiń jáne retteýshimen syndarly ózara árekettiń nátıjesi. Bul qadam elimizdiń qarjy naryǵyndaǵy pozısııamyzdy nyǵaıtyp, klıentterimizge odan da sapaly jáne ınnovasııalyq sheshimderdi usynýǵa múmkindik beretinine senimdimiz. Degenmen mıssııamyz ózgerissiz qalady: shaǵyn jáne orta bıznesti qoldaý, onyń ishinde aýyl turǵyndaryna erekshe nazar aýdarý, sondaı-aq olardyń damýyna kómektesetin qoljetimdi qarjylyq qyzmetterdi usyný», dep atap ótti «KMF» MQU» AQ basqarma tóraǵasy Shalqar Amanqosuly Júsipov.
Transformasııalaý úderisi 2023 jyldyń aqpanynda kompanııany aksıonerlik qoǵamǵa aınaldyrýdan bastaldy, ol osy strategııalyq maqsatqa jetý úshin jumysyn jalǵastyrdy.
Bank lısenzııasyn alý úshin zańnamanyń barlyq talabyna saı bolý kerek. Ol úshin arnaıy jabdyqtar satyp alynyp, baǵdarlamalyq jasaqtama endirý jáne bıznes-úderisterdi jańǵyrtý talap etiledi.
KMF-tiń bank mártebesine aýysýy usynylatyn ónimderdiń spektrin ulǵaıtyp qana qoımaı, klıentter úshin jańa múmkindikter ashady:
- Qarjylyq ınklıýzııany damytý. Qarjylyq qyzmetterge qol jetkizý shekteýli bolyp tabylatyn shalǵaı óńirlerdegi baılanysty kúsheıtý.
- Bıznesti qoldaýdy nyǵaıtý. Kompanııa shaǵyn jáne orta bıznes, sondaı-aq jeke klıentter arasynda suranysqa ıe depozıtterdi, kartalardy, nesıe ónimderin jáne basqa da qyzmetterdi usynýdy josparlap
otyr. - Innovasııalardy engizý. Qyzmetterdi jekelendirý úshin jasandy ıntellekt pen mashınalyq oqytýdy qosý josparda bar.
«Kóp ýaqytty jáne komandanyń qajyrly eńbegin talap etetin atalǵan úderis bizdiń aldymyzdan jańa kókjıekterdi ashýǵa múmkindik beredi. Biz ekinshi deńgeıdegi bankterge qoıylatyn joǵary standarttarǵa saı bolý úshin táýekelderdi basqarýmen, ishki baqylaýmen jáne bank ónimderin ázirleýmen aınalysatyn komandalardy kúsheıttik», dep qosty Shalqar Amanqosuly Júsipov.
Bul qadam KMF-tiń klıentterge qyzmet kórsetýin jalǵastyra otyryp, qarjylyq turaqtylyqty nyǵaıtýǵa, el ekonomıkasynyń damýyna úles qosýǵa degen umtylysyn rastaıdy.
KMF baspasóz qyzmeti
QNRDA-nyń 18.07.2024 jylǵy
№02.21.0003.M lısenzııasy
