Aqyn álemine saıahat

Bıyl asa kórnekti aqyn, Memlekettik syılyqtyń laýreaty Jumeken Náji­me­denovtiń týǵanyna 90 jyl tolady. Shalqar daryn ıesi á degennen qazaq poezııasyna óz únimen keldi. Oǵan jańasha órnek qosty. Onyń óleńderinen ǵana emes, poe­malarynan fılosofııalyq tereńdikti, parasattylyqty kóresiz. Prozaǵa da qalam terbep, súıekti shyǵarmalar jazdy. Sondaı-aq Jumeken Nájimedenov – memlekettik ánuran avtorlarynyń biri. Aqynnyń zamandasy birtýar tulǵa Muqaǵalı Maqataev: «Jumeken jumbaq aqyn. Tamyryn tereńge salǵan, oıǵa baı, tilge sarań sýretker. Aqyn Jumeken, jumbaq Jumeken bizdiń poezııamyzdyń bú­gin­gi de, erteńgi de ornyna myqtap jaıǵasqan», dep kózi tirisinde joǵary baǵa­la­ǵan.

Mazmundy shara bary­synda oqýshylar aıtýly tulǵanyń ómirimen, shyǵar­ma­shylyǵymen jaqyn ta­nys­­ty. Aqyn kitaptaryna bıb­­lıo­grafııalyq sholý júr­­gizdi. Sonymen birge qa­byr­­ǵaly qalamgerdiń týyn­­­dy­laryn jatqa oqydy. Mem­­le­kettik ánurandy oryn­dady.

Sóıtip, jas oqyrmandar biregeı sýretkerdiń shy­ǵarmashylyq álemine saıahat jasady.

Gúljaýhar ESENTAEVA,

Qaraǵandy aýyldyq kitaphanasynyń qyzmetkeri

Batys Qazaqstan oblysy, Bórli aýdany