Foto: Turizm jane sport ministrligi
Mánerlep syrǵanaý: Bostondaǵy (AQSh) álem chempıonatynda Mıhaıl Shaıdorov jalpy esepte jeke rekordyn jańartyp (287,47 upaı), jarysty kúmis júldemen aıaqtady, sóıtip, 2026 jylǵy Olımpıadaǵa qatysý normatıvin oryndady. Sondaı-aq áıelder básekesinde Sofıa Samodelkına da Olımpıadaǵa joldama aldy.
Kúres: Ammanda (Iordanııa) eresekter arasyndaǵy XXI Azııa chempıonatynda Qazaqstan quramasy (grek-rım, áıelder jáne erkin kúres) 2 altyn, 4 kúmis, 5 qola medal jeńip aldy.
Para dzıýdo: Tbılısıde (Grýzııa) kórý qabileti zaqymdalǵan sportshylar arasyndaǵy Álem kýboginde qorjynǵa 3 altyn, 2 kúmis, 1 qola medal tústi.
Kórkem gımnastıka: Otandyq sportshylar dástúrli «Afrodıta kýbogi» týrnırinde 9 altyn, 5 kúmis, 1 qola medal enshiledi.
Sporttyq gımnastıka: Zeınolla Ydyrysov Germanııanyń Shtýtgart qalasynda halyqaralyq dodada top jardy.
Júzý: Bulgarian Open (Bolgarııa) jarysynda 100 metrge erkin ádispen júzýde Gleb Kovalenıa jeńimpaz atandy, al, 100 metrge shalqalap júzý saıysynda Ksenııa Ignatova kúmis júldege qol jetkizdi.
