Palata spıkeri Slovenııa Qazaqstannyń Eýropalyq odaqtaǵy senimdi jáne mańyzdy seriktesteriniń biri ekenin atap ótti. Sonymen qatar Máýlen Áshimbaev parlamentaralyq deńgeıde, onyń ishinde halyqaralyq uıymdar aıasynda ózara is-qımyldy odan ári arttyrýdyń mańyzdy ekenin aıtty.
«Qazaqstan Prezıdenti Qasym-Jomart Toqaevpen nátıjeli jáne mazmundy kezdesý ótkizdińizder. Bilim berý, týrızm, saýda-ekonomıkalyq qatynastar salasynda birqatar mańyzdy qujatqa qol qoıyldy. Senat qol jetkizilgen ýaǵdalastyqtardy tıimdi iske asyrý úshin óz tarapynan qajetti jumystardy júrgizýge daıyn. Ekijaqty qarym-qatynasty damytý jolynda parlamentaralyq baılanystar da úlken ról atqarady. Bizdiń Parlamenttiń eki palatasynda da Slovenııamen dostyq toptary jumys isteıdi. Slovenııa Parlamentinde de osyndaı qurylym qurý ekijaqty ózara is-qımyldy tereńdetip, ózara seriktestigimizdi arttyrýǵa óz yqpalyn tıgizer edi. Biz Slovenııa Parlamentimen yntymaqtastyqty keńeıtýge jáne nyǵaıtýǵa múddelimiz», dedi M.Áshimbaev.
Kezdesý barysynda halyqaralyq jáne óńirlik kún tártibindegi ózekti máseleler de nazardan tys qalǵan joq. Buǵan qosa iskerlik baılanystardy ilgeriletýge, saýda-ekonomıkalyq jáne mádenı-gýmanıtarlyq yntymaqtastyqtyń keleshegine, sondaı-aq ornyqty damýǵa, ekologııaǵa jáne ekojúıelerdi qorǵaýǵa basa mán berildi.
Senat spıkeri óz sózinde Qasym-Jomart Toqaevtyń bastamasymen qolǵa alynǵan reformalardy júzege asyrý jolynda palata atqaryp kele jatqan zańnamalyq jumysqa da toqtaldy. Onyń ishinde eldiń saıası júıesin demokratııalandyrý jónindegi sharalar jáne adam quqyqtary men genderlik teńdikti qorǵaý salasyn nyǵaıtýdy kózdeıtin jańa bastamalar bar.
Palata tóraǵasy Álemdik jáne dástúrli dinder kóshbasshylary Seziniń qyzmetine de nazar aýdaryp, Slovenııanyń din qaıratkerlerin 2025 jylǵy 17-18 qyrkúıekte Astanada ótetin «Dinder dıalogi: bolashaq jolyndaǵy sınergııa» atty VIII Sezge shaqyrdy.
О́z kezeginde Slovenııa Prezıdenti Qazaqstanda júrgizilip jatqan qoǵamdyq-saıası ózgeristerdi joǵary baǵalady jáne ekijaqty baılanystardy odan ári nyǵaıtýǵa praktıkalyq turǵydan yqpal etýge daıyn ekenin jetkizdi.
