Ilkimdi joba memlekettik organdardyń qoldanystaǵy barlyq aqparattyq júıeleriniń derekteri negizinde júzege asyrylady. Búginde onda elimizdiń 20 mln azamaty nemese 6,2 mln-nan astam otbasy týraly aqparat jınaqtalǵan. OSK engizýdiń basty maqsaty – azamattarǵa memlekettik qoldaý júıesin qoljetimdi etý. Áleýmettik kodekste Otbasynyń sıfrlyq kartasy áleýmettik saıasattyń orta jáne uzaq merzimdi mindetteri men baǵyttaryn aıqyndaý quraly ekeni jazylǵan. OSK-niń taǵy bir tıimdiligi – azamattardyń áleýmettik mártebesine baılanysty kepildendirilgen memlekettik qoldaýdyń qandaı da bir túrin alýǵa quqyly ekenin kúndelikti «elektrondyq habarlama» arqyly bile alady.
Qazirgi ýaqytta OSK memlekettik qoldaýdy alýǵa quqyǵy bar azamattarǵa tıisti oryndarǵa baryp eshqandaı ótinish jazbaı-aq járdemaqylar men áleýmettik tólemderdiń 10 túrin resimdeýge múmkindik beredi. Mysaly, eńbek etý qabiletinen aıyrylǵanda alatyn áleýmettik tólem, jumysynan aıyrylǵan jaǵdaıda alatyn áleýmettik tólem, asyraýshysynan aıyrylý boıynsha áleýmettik tólem nemese járdemaqy, múgedektigi bar balany tárbıelep otyrǵan ata-anasyna (qamqorshysyna) járdemaqy, múgedektigi boıynsha járdemaqy, kópbalaly otbasylarǵa beriletin járdemaqy, «Altyn alqa», «Kúmis alqamen» marapattalǵan kópbalaly analarǵa beriletin járdemaqy, ataýly áleýmettik kómek, sondaı-aq jerleýge arnalǵan birjolǵy tólemdi alady.
Sondaı-aq Otbasynyń sıfrlyq kartasy arqyly zeınetaqy tólemderin alý múmkindigi, «qandas» mártebesi berilgende nemese uzartylǵanda mártebeniń aıaqtalý merzimi nemese jumyssyz adamdar úshin jumyspen qamtý sharalary týraly habarlamalar jiberiledi.
Memlekettik qoldaý sharalaryn alýǵa quqyq belgilengen kezde áleýmettik járdemdi alýshyǵa 1414 biryńǵaı baılanys ortalyǵynan SMS-habarlama keledi. Habarlama alǵan azamat oǵan kelisimi týraly jaýap berýi kerek. О́tinishti resimdeý, áleýmettik járdemaqy nemese tólem taǵaıyndaý avtomatty rejimde júrgiziledi, sodan keıin aqsha qarajaty alýshynyń bank shotyna aýdarylady.
Eńbek jáne halyqty áleýmettik qorǵaý mınıstrligi alaıaqtyqqa urynbas úshin 1414 biryńǵaı baılanys ortalyǵynan kelip túsken SMS-ke jaýap berý qajettigin eskertedi.
